Video
Read full review
2017-07-20
1030 views
呢間舖頭其實都開咗一排,見佢中午成日有人排隊,對我呢種貧民嚟講,梗係應該要等到過時過節先至入去買杯咖啡嘆個早餐啦.今日適逢絕好心情,又見冇人排隊,就衝入去買番個靚早餐.最鍾意食牛角包,佢個酥皮真係好鬆化,但亦都可以話係鬆化得濟,每咬一啖,都有相同分量嘅酥皮跌出來.當然,我只可以怪自己口疏. 因為係買外賣喺公司食嘅關係,今次真係對唔住打掃嘅姐姐喇.牛角包裏面嘅芝士非常濃味,好似兩塊芝士嘅味道濃縮埋一塊咁樣,但係就因為佢咁濃味,令到我差唔多食唔出塊火腿嘅味道. 雖然我有專登拎起塊肉咬咗啖,但因為已經沾滿咗濃郁嘅芝士,喺office又冇理由擦走啲汁,所以始終都食唔到塊火腿嘅原味.依家食落只係一塊有濃郁芝士味嘅肉,作用只係提供口感同埋滿足感. 但係,整體上係非常好味嘅,而且芝士味蓋過火腿都好正常啫.至於咖啡,因為某種不可抗力被強盜掠奪咗,冇得評價.
牛角包
72 views
0 likes
0 comments
53 views
0 likes
0 comments
最鍾意食牛角包,佢個酥皮真係好鬆化,但亦都可以話係鬆化得濟,每咬一啖,都有相同分量嘅酥皮跌出來.當然,我只可以怪自己口疏. 因為係買外賣喺公司食嘅關係,今次真係對唔住打掃嘅姐姐喇.牛角包裏面嘅芝士非常濃味,好似兩塊芝士嘅味道濃縮埋一塊咁樣,但係就因為佢咁濃味,令到我差唔多食唔出塊火腿嘅味道. 雖然我有專登拎起塊肉咬咗啖,但因為已經沾滿咗濃郁嘅芝士,喺office又冇理由擦走啲汁,所以始終都食唔到塊火腿嘅原味.依家食落只係一塊有濃郁芝士味嘅肉,作用只係提供口感同埋滿足感. 但係,整體上係非常好味嘅,而且芝士味蓋過火腿都好正常啫.
至於咖啡,因為某種不可抗力被強盜掠奪咗,冇得評價.
Post
