石一燒 (九龍城) (Closed)

估唔到係九龍城呢個鬧市之中竟然有一個世外桃源，石一燒推崇嘅喺係呢個甘急速既城市生活中，反其道而行「慢活」下來，令人在享受食物的過程中感到自主！一進店就比人好放鬆嘅感覺，完全唔會有好嘈吵好擠迫嘅感覺！岩曬同三五知己放工後一齊食下嘢吹下水，好chill好relax!成個套餐入面另外印象深刻嘅係…1）洋蔥估唔到呢！佢哋上石燒嘅時候會附帶一啲洋蔥喺石上面，一路等舊石頭熱嘅時候一路就聞到洋蔥嘅香味，就連我唔係好食洋蔥嘅人都即刻好開胃！而食到最後將唔同種類嘅菇連埋洋蔥一齊燒，仲可以令到菇類吸收晒洋蔥嘅香味！2）英國羊西冷原本我好驚食羊因為好怕羊臊味，但佢呢個羊無咩臊味，但又可以保持到烤羊肉既香味；而且佢嘅肉質都好令我驚喜，完全唔會好鞋好靭，一咬就得好嫩！3）抹茶雪糕呢個雪糕仲可以自己親手DIY個抹茶汁，然後再倒落個雪糕度，有得玩又有得食好岩我！而且佢個雪糕應該係牛奶味，非常之香濃順滑，加埋個抹茶汁中和返佢嘅甜味啱啱好！店員嘅服務都非常之好，上爐嘅時候都會溫馨提醒我哋舊石有三百度，仲同我哋講返最佳嘅烤肉時間，當然你想烤幾耐就幾耐呢個係絕對冇問題！