仁芝初

Open Now

Now Closed

啱啱喺旺角食完西餐，想搵間中式糖水暖下個胃，因為呢幾日都好凍，跟住行行吓就見到呢間仁之初，個名好得意！入邊望落都好光猛好新淨，門口有餐牌介紹中式糖水同埋佢哋嘅特色糖水。坐低店員嚟落單嗰陣時都有介紹話呢度嘅甜品係每日鮮製，而且性價比高。咁我哋就叫一個古法養顏燉桃膠加三粒芝麻湯圓同埋一個法式紫米露。個桃膠同湯圓上枱先，湯圓有三粒，每一粒都好香芝麻味，個皮都唔會太厚，而桃膠每一羹都有好大舊桃膠係入邊，好足料，飲落好和暖好舒服。另外一個就係法式紫米露，入面有椰汁，啫喱，紫米露同埋燉蛋。個椰汁同紫米露溝埋食好正，仲食到好多紫米係入邊。啲啫喱係士多啤梨味，呢個配搭都幾得意。最後個燉蛋呢就比較實淨啲，都好夠蛋味。雖然佢細細份，食完都好飽下，有機會都推薦大家嚟試吓。