Video
Read full review
2021-12-18
129 views
第一次去印尼餐廳食印尼野食，行銅鑼灣搵野食，路過比呢間餐廳既印尼野食吸引左，所以好自然甘行埋去睇下有咩特色小食，對班蘭味既食物打左心心眼。見到堂食既野食又平又多款選擇，反正都搵野食，所以就等左一陣位入去試試。不過間餐飯入面好細，繁忙時間需要搭枱，不過侍應好親切，服務態度好好，就算係擠迫嘅情況下搭枱你都唔會覺得不適。叫左個啦斯啦媽班蘭飯，睇個名就唔知係啲咩，黎到佢就有炸雞、炸豆腐、炸蛋同埋班蘭飯，班蘭飯味道唔會好重，但食落口感唔錯，炸雞都好好食，好脆身，唔會太乾，但係炸豆腐就唔係好中意，有少少臭。另外，印尼炒米粉，米粉係好幼，加埋好多種唔同既菜，口味好豐富。佢另外仲配搭左辣椒魚仔，呢個魚仔真係好辣，食唔到辣嘅人真係要慎重。小食方面都好多，試左個牛肉卷，佢係炸牛肉卷，但唔會覺得好油，入面牛肉都好多，唔會係炸粉多個肉，可以一試。班蘭葉上海刨冰，呢一個真係好唔錯，又可以做甜品又可以當嘢飲，色彩繽紛之餘又好飲，而且真係好大杯可以兩個人飲一杯。椰青就正正常常，同出面一樣。不過，呢間可以再試，款式又多價錢又平，但就人比較多，提早預約會比較好。
見到堂食既野食又平又多款選擇，反正都搵野食，所以就等左一陣位入去試試。不過間餐飯入面好細，繁忙時間需要搭枱，不過侍應好親切，服務態度好好，就算係擠迫嘅情況下搭枱你都唔會覺得不適。
叫左個啦斯啦媽班蘭飯，睇個名就唔知係啲咩，黎到佢就有炸雞、炸豆腐、炸蛋同埋班蘭飯，班蘭飯味道唔會好重，但食落口感唔錯，炸雞都好好食，好脆身，唔會太乾，但係炸豆腐就唔係好中意，有少少臭。
另外，印尼炒米粉，米粉係好幼，加埋好多種唔同既菜，口味好豐富。佢另外仲配搭左辣椒魚仔，呢個魚仔真係好辣，食唔到辣嘅人真係要慎重。
小食方面都好多，試左個牛肉卷，佢係炸牛肉卷，但唔會覺得好油，入面牛肉都好多，唔會係炸粉多個肉，可以一試。
班蘭葉上海刨冰，呢一個真係好唔錯，又可以做甜品又可以當嘢飲，色彩繽紛之餘又好飲，而且真係好大杯可以兩個人飲一杯。
椰青就正正常常，同出面一樣。
不過，呢間可以再試，款式又多價錢又平，但就人比較多，提早預約會比較好。
Post
