鮨石 (Closed)

直入正題，講食物！welcome tart吞拿魚魚子醬他他，師傅話要一啖食！個底勁簿脆，而且一大啖嘅吞拿魚 口感好滿足，上面又鋪左魚子醬，好正。即拆嘅三文魚子真係第一次見。原來食落會新鮮啲同埋糯啲。師傅真係好大方，每人嗰一杯都係好多三文魚子。下面配咗蘿蔔蓉同埋上面灑左啲柚子皮。所以喺食到三文魚子嘅原味仲會有少少柚子嘅清新。北海道 銀鱈魚一打開個蓋就已經聞到勁香嘅魚油味。銀鱈魚仲好滑。師傅話個青椒唔辣，如果食到辣咗一陣應該買六合彩。帶子稍為炸過，外脆內軟（因為個芯仲係生嘅！）好正。上面有鋪左冇調味嘅香箱蟹。一啖食完仲聽紫菜係口中脆卜卜嘅聲。好夾吞拿魚壽司最瘦嘅部位。我以為咁瘦會有筋，但真係好好食。咬落去全部都係魚。中間嘅草（？）帶左啲植物嘅清新👍🏼吞拿魚額頭稀有部位。表面熟咗，但係入邊係生嘅。魚油滿口都係，爽死金燦燦的小傢伙好甜，鋪到滿瀉呀。一啖落去，滿口都係海膽嘅甜。師傅灑左雪鹽同即磨左wasabi, balnce 番👍🏼魚生爆炸！ 痴線架師傅，但我鐘意！！ 好多種魚生，各種口感，仲加左個子薑係中間，好有心最尾飲番杯暖暖嘅麵豉湯就完滿