House FiftyEight

Open Now

Now Closed

返工用左好大腦力，今日真係好想食牛扒所以近近去咗朋友公司附近搵食。因為我想食牛扒，所以叫咗個set dinner食，朋友就食咗個龍蝦套餐，套餐裏面包括咗餐湯，沙律，主菜仲有甜品同飲品。是日餐湯係蘑菇湯，蘑菇湯有豐富嘅蘑菇粒，每一啖飲落去都係香濃嘅蘑菇味朋友就飲龍蝦湯，一飲落口每一啖都係鮮甜嘅龍蝦味，好飲到停唔到口慢煮雞胸凱撒沙律沙律菜十分新鮮同爽脆，最特別係慢煮雞胸，因為雞胸用慢煮方式來烹調，熟咗之後再煎香，可以保持肉汁鮮嫩好好味巴哈馬火腿沙津哈密瓜配火腿真係好夾，哈密瓜又甜又多汁好好味，配埋醋真係好正美國頂級肉眼扒（ 10安士） 肉眼扒真係好大塊，一咬落口有香濃嘅炭燒味，七成熟啱啱好充滿着肉汁，伴碟的薯角同雜菜又新鮮，牛扒上面仲有好多煎香左的蒜粒好有誠意自家製龍蝦汁扁面配巨型龍蝦尾龍蝦好巨型大過個拳頭，真係啖啖都係肉好滿足，龍蝦汁香濃令到每一條扁意粉都充滿龍蝦汁甜品朱古力蛋糕擺碟好精美，視覺效果好好，令人一望落去就想食，朱古力蛋糕唔會太甜，味道恰到好處餐廳整體水準好高，而且裝修非常出色，每道菜的的份量好大，好耐未食過咁出色的牛扒。