鮨石 (Closed)

朋友去完旅行番黎即刻約佢食晚飯拎手信，呢間位於人來人往的寶勒巷，唔認真望真係差啲見唔到，真係隱世小店。晚市只有兩個套餐，我地揀左神石套餐。先付係季節性螢光魷魚，鮮甜濃郁;柑桔味道酸甜多汁。北海道真鯛淡淡魚香，加上紫蘇花帶有清香味道。白子口感綿密，味道酸甜開胃。赤貝爽口彈牙，完全冇腥味。獅魚入口油脂含量高加上蛋黃令到魚香味更香。櫻煮八爪魚和磯煮鮑魚入口軟林。春魚好香煙熏味，肉質鮮嫩多汁，魚皮香脆可口。壽司：金線鯛肉質嫩滑;北海道帆立貝鮮甜厚肉;鯖魚入口軟滑；梭子魚魚香濃郁；沙甸魚嫩滑油脂豐富;中拖羅入口即溶;海膽鮮甜creamy。甜品自家制厥餅，煙煙韌韌加上香甜黑糖好好味。