Video
Read full review
2015-04-22
2290 views
上次晌Outback一齊食晏嘅年輕人，本身勁鍾意食肉，雖然嗰次Outback午餐已專登點了一客西冷，一客燒豬肋骨，當然滿足唔晒佢個胃納，所以，今次嚟到燒魂一食日式燒肉，有咁多款肉類，直頭施展出渾身解數，一定滿足到佢嘞 。明知喺放題，有時限，分6:00-8:00，8:15-10:15，9:30後，所以，首要攻略就喺早啲到。不過，由於餐廳晌商廈二樓，門面又窄又細，好多人都好似我哋咁一早去定門口等，所以，越等越擠迫。可是，店員沒有因應情況放行 ，其實，有訂枱嘅人可以先安排入坐，晌裡面坐住先，唔使逼晒晌門口囉。小弟第一次嚟，其實，店內環境幾大，餐枱與餐枱之間都幾多空間，頗為闊落，真唔明點解唔先安排入坐，仲要6:05先開始入得去。被安排坐晌靠窗卡位，有少少金馬倫道街景，而卡位幾寬敞，叫人坐得舒服 。因為點菜紙多達14張，由沙律、一般壽司、火灸壽司、創作壽司、刺身、唐揚物（炸物）、潮燒（創意燒烤）、蔬菜類、地雞、海鮮、豚肉、牛肉、食事（飯麵）、一品（散叫菜式），所以，攻略二就喺分工合作填點菜紙。好彩我哋幾個無話咩唔食，又無話咩嘢一定必食，總之，點住先，唔夠再加，啱食就再翻點。雖然喺放題，只限
明知喺放題，有時限，分6:00-8:00，8:15-10:15，9:30後，所以，首要攻略就喺早啲到。不過，由於餐廳晌商廈二樓，門面又窄又細，好多人都好似我哋咁一早去定門口等，所以，越等越擠迫。可是，店員沒有因應情況放行 ，其實，有訂枱嘅人可以先安排入坐，晌裡面坐住先，唔使逼晒晌門口囉。
小弟第一次嚟，其實，店內環境幾大，餐枱與餐枱之間都幾多空間，頗為闊落，真唔明點解唔先安排入坐，仲要6:05先開始入得去。被安排坐晌靠窗卡位，有少少金馬倫道街景，而卡位幾寬敞，叫人坐得舒服 。
因為點菜紙多達14張，由沙律、一般壽司、火灸壽司、創作壽司、刺身、唐揚物（炸物）、潮燒（創意燒烤）、蔬菜類、地雞、海鮮、豚肉、牛肉、食事（飯麵）、一品（散叫菜式），所以，攻略二就喺分工合作填點菜紙。好彩我哋幾個無話咩唔食，又無話咩嘢一定必食，總之，點住先，唔夠再加，啱食就再翻點。雖然喺放題，只限「食」，包一款飲品而已，再點就要額外付費 。飲品，亦喺佢哋開源嘅一環，因為定價都較出面啲火鍋店貴少少。此外，額外再要佢嘅秘製三色醬汁、更換燒烤網……等等，亦需付費，不設熱茶、熱水供應，都被人有種「小家」嘅感覺 。
秘製三色醬汁食烤肉就需要一點醬汁配襯，早早已放晌枱上嘅醬汁，有醬油、泰式酸辣汁及沙爹醬，當然，食唔同嘅肉應該配唔同嘅汁，但既然人人口味及喜好不同，小弟就覺得隨心意好了，唔使太過規限。
胡麻冷豆腐、凱撒沙律 先嚟開開胃，清爽嘅沙律喺最好嘅頭盤。胡麻冷豆腐味道唔錯，豆腐挺滑，而個胡麻汁幾香；相反，凱撒沙律就極之普通。
胡麻冷豆腐、凱撒沙律
138 views
1 likes
0 comments
因為是晚主打嚟食烤肉，雖然，有部份壽司好吸引，尤其幾款創作壽司，好似黑松露帶子、海膽三色花，但壽司較易飽肚，所以，都喺放棄好啲。
刺身 揀咗幾款，喺想試吓佢哋刺身嘅質素，三文魚、吞拿魚、劍魚腩，好隨意咁揀，三款刺身都有水準，新鮮甜美，睇色澤至少都覺得對辦先啦。
三文魚、吞拿魚、劍魚腩
85 views
1 likes
0 comments
食咗啲凍嘢，飲個湯暖暖腸胃先，難得「燒魂一」又確有湯品提供，晌「一品料理」張點菜紙度，就有一款大根牛骨湯，一款南瓜忌廉湯。
大根牛骨湯唔點菜紙張相咁靚，實物都幾嚇人，好多「牛膏」浮面，但滔一羹牛骨湯，又唔喺咁肥膩咋喎，幾甜幾濃香，碗底仲有好多牛肉碎碎及蘿蔔粒 。
大根牛骨湯
55 views
0 likes
0 comments
個南瓜忌廉湯濃就濃郁喇，不過，杰身咗啲，晌點菜紙話喺名物，有少少言過其實，但最「騎尼」唔知點解會晌個湯面加蔥花 ！
南瓜忌廉湯
30 views
0 likes
0 comments
年輕人即喺年輕人，都喺鍾意食炸嘢，所以，點都要嗌少少天婦羅過吓口癮。天婦羅一共有7款選擇，我哋揀咗南瓜、蕃薯、松葉蟹棒及海蝦天婦羅，估唔到炸得有一手，脆漿唔太厚，香脆不油，南瓜及蕃薯都夠晒粉香，而松葉蟹棒及海蝦亦都鮮味。
唐揚（南瓜、蕃薯、松葉蟹棒及海蝦天婦羅）
80 views
1 likes
0 comments
因為一陣都會燒好多肉及海鮮，加上啲所謂「潮」燒又好似普普通通，至少吸引唔到小弟，所以，一樣都無試過，留肚發力食烤肉。
地雞、豚肉 烤肉嘅選擇由老婆跟友人話晒事，佢哋點乜我就食乜。其實，啲地雞選擇款式多而特別，好似岩鹽青檸雞中翼、辛辣黑椒雞腿肉，不過，唔知何解佢兩個咁保守只點咗椒鹽雞中翼；而豚肉就點多少少，包括極上黑豚肉、血池赤豚小排及鹿兒島煙燻黑豚3款。
椒鹽雞中翼、極上黑豚肉、血池赤豚小排及鹿兒島煙燻黑豚
50 views
0 likes
0 comments
極上黑豚肉、鹿兒島煙燻黑豚
60 views
0 likes
0 comments
血池赤豚小排、椒鹽雞中翼
44 views
0 likes
0 comments
講到牛肉系，相信喺今晚嘅亮點，牛肉共有9款選擇，亦喺咁多款肉類中最多。揀咗黑毛霜降和牛、汁燒安格斯一口牛、蔥蒜醬油牛肋肉及牛裡肌，一碟過有齊4款牛捧上枱，睇見都流口水 。雖然牛肉唔使全熟，不過，厚身如一口牛、厚切牛舌則應該放晌外圍慢燒效果理想啲！
黑毛霜降和牛、汁燒安格斯一口牛、蔥蒜醬油牛肋肉及牛裡肌
74 views
0 likes
0 comments
不過，友人始終鍾情於黑毛霜降和牛，所以，臨尾翻兜多4件黑毛霜降和牛，我跟老婆就夠晒皮。
海鮮 輪到講講海鮮類，較有睇頭及多人點嘅相信喺北海道香草牛油帆立貝及深海大蝦，此外，岩鹽靜岡鯖魚及沖繩小烏賊都相當吸引，故此，我哋亦揀咗依4款作為燒海鮮之選。帆立貝較耐燒，要放晌中間，亦要反吓佢，否則，燒乾水都未熟透；而最難燒喺鯖魚，好易甩皮被個網黐住，幾難先燒得好其中一件。
北海道香草牛油帆立貝、深海大蝦及沖繩小烏賊
56 views
0 likes
0 comments
岩鹽靜岡鯖魚
47 views
0 likes
0 comments
蔬菜 成晚食咁多肉，唔食番啲蔬菜真喺唔得，菇菌類就最合我哋心水，3款菇（冬菇、有機白磨菇及牛油雞脾菇）一於點齊，燒菠蘿、燒南瓜更喺小弟至愛之一，再加點溫室洋蔥，就成為我哋嘅燒烤蔬菜籃。
燒過嘅菇菌味道寧舍香濃，沾少少醬油提味就夠晒，而菠蘿燒暖後，水份被蒸發走一啲，甜味更濃郁，況且，又可當生果食，所以，最後再點10件，一半燒，一半生食 。
蔬菜
33 views
0 likes
0 comments
木瓜燉雞腳湯
46 views
0 likes
0 comments
第二個花臣嘢就喺即開生蠔，突然有店員推成車生蠔，當然唔會免費送啦，要晌官方FB即場讚好，就送兩隻生蠔，可以拎返去慢慢燒，在場亦有唔少食客參與。
我哋對此興趣唔大，因為，點菜紙（一品料理）亦有焗蠔菜式，點兩隻返嚟試，仲慳水慳力，所以，個花臣嘢搞氣氛多啲。再者，啲焗蠔真喺唔錯，個醬嘅調校唔太濃，無搶走啲蠔味 。
焗蠔
50 views
0 likes
0 comments
燒魂一專做日式燒肉放題，既然喺放題，咩都任食，所以，嚟之前都唔敢有過多期望。此外，睇過佢啲食評，都擔心啲服務差，唔知喺咪以往有唔少投訴晌服務方面，所以，餐廳改善咗，抑或我哋食第一輪，所以，問題少啲？入坐安排可以再做好啲，但其他服務真喺唔錯，食放題好多時會漏單同埋叫三樣得兩樣，點五份得三份，但成晚無漏單之餘，所點嘅嘢食份量應該比我哋所點嘅多，對照番點選嘅款式，又真喺無嚟錯喎 。再者，試過之後，大家都異口同聲覺得物有所值，因為都喺$258 +10%一位（未計飲嘢），肉類選擇多，部份肉類又幾掂，所以，絕對食得過。唯一喺少咗甜品部份，如果有啲雪糕或雪米糍供應你話幾好呢！
Post
