魚一壽司 (京都廣場)

Open Now

Now Closed

之前去元朗都有食過嘅魚一壽司，覺得幾唔錯，性價比高，今日去銅鑼灣呢間分店試吓🫶🏻店舖裝修得好靚，沿路落樓梯有好多靚燈籠同埋貓貓圖畫🐱我地坐低左都好快叫野食，見不斷有客人入，不過上菜都好快👍🏻🥢日本兵庫縣漣川生蠔🦪生蠔新鮮，好厚肉，有啲醬汁配埋一齊食，帶小小酸唔會有腥味💯🥢魚一焦糖鵝肝壽司鵝肝好大片鋪左係壽司飯上，一咬落去有一層薄脆焦糖，好驚喜，甜甜地反而覺得冇咁油膩，鵝肝迷必點👍🏻🥢牛油果軟殼蟹卷軟殼蟹卷有4件，岩哂開心share，軟殼蟹炸得好香脆，口感同味道都好好🥢火炙蟹肉棒抵食之選$9一件😋🥢極上三品御膳賣相好壯觀，一排三碗飯，份量十足，三文魚籽一粒粒咬落鮮味脆卜卜、海膽好鮮甜甘香、吞拿魚腩蓉好厚一層鋪滿晒係飯上邊，仲有鵪鶉蛋黃，好滿足！