正潮樓

Open Now

Now Closed

之前去過灣仔店食過晚飯，老公覺得幾好食。從朋口友得知原來銅鑼灣開左分店，所以就黎食返餐先。餐廳寬敞光猛，有幾個房間，一家人或朋友私人聚會包房都幾好。餐牌選擇有好多，可散叫或叫套餐。之前在灣仔就散叫，今次就食套餐吧。而套餐都幾豐富，都係鮑參翅肚，另外就因應人數再點自選菜式。前菜：有花生同咸菜，咸咸地，熱身一下。紅燒魚翅：魚翅份量多，啖啖都食到翅。翅用左上湯去煮，味道好濃。鍋下仲有個火爐，一路食一路keep住熱，唔錯。厚菇炆海參：冬菇厚肉，有口感。海參大塊，炆得夠淋。冬菇海參同樣炆得入味，充滿鮑汁味道，好好味。滷水拼盤：賣相吸引，有豬紅、滷肉、鴨肉同豆腐。滷水味道濃，整體唔太咸。汕頭煎蠔烙：煎得夠金黃，蠔仔大小適中，蛋味唔會太濃蓋左蠔仔味道，口感濕潤，香口但又唔覺得熱氣。脆皮九肚魚：剛炸起，好熱。炸粉薄薄，外皮脆口，內裡軟軟。