金色不如帰 (國際金融中心商場)

Open Now

Now Closed

作為米芝蓮一星的過江龍日本拉麵店，啱啱開係IFC嘅時候，人龍總係源源不絕。今日經開IFC，見到只係有幾個人喺度等緊，就決定排隊試吓先！餐廳主打混合大蜆、豚骨、魚介等矜貴食材熬製而成的「黃金湯頭」，今次試咗貝汁鹽味拉麵同貝汁醬油拉麵。貝汁鹽味拉麵有別於傳統嘅日式拉麵，味道會較傳統拉麵湯較為清淡，但湯底食到陣陣的鮮味，叉燒新鮮，係一個質素高的日本拉麵！貝汁醬油拉麵的味道明顯較貝汁鹽味拉麵鹹，醬油味沒有把湯底嘅鮮味蓋過，互相配搭得幾好，湯底都係鮮甜好味。如果平時食開重口味嘅拉麵的朋友，醬油拉麵可能會比較啱食整體來講，兩個拉麵都好食！值得一試！