船渦

Open Now

Now Closed

梅超風同陳玄風夫婦係射鵰英雄傳入面係數一數二既壞人，可以話係横行無忌，要消滅佢地，我有計，就係食個套餐。横行無忌餐包括一公一乸大閘蟹，都有鐳射標籤，證明係來自太湖。不幸嘅係，無論係蟹膏比較結實但係香口嘅乸，定係膏相對林滑豐富又creamy嘅公，都俾我消滅殆盡。望住鮮橙色同埋金黃色嘅蟹膏，我又點忍心唔主持正義，去處理咗佢哋呢？其實呢度係主打粥底蒸氣海鮮鍋既餐廳。套餐個名好搞鬼，但事實非常實際，做法健康，材料新鮮，令人回味。 🍖 唔同嘅海鮮，分開去蒸，佢哋都俾確實既建議嘅時間，務求喺最好嘅時間整好，帶出最佳嘅鮮味。唔同平時打邊爐，是但放，撈下撈下先記得，變成老晒，於是是但食左。岩時間即食既海鮮，尤其貝類，元貝鮑魚蟶子呀咁，會變得脹卜卜，Q彈Q彈，咁先可以發揮材料既極意味道。 🍖其實除咗橫行無忌，我哋又叫咗九品芝麻套餐，材料少啲，但係都非常豐盛。仲要講埋兩個餐其實除咗海鮮之外，又有肉類，丸類同蔬菜，仲有前菜同埋炸物，加埋甜品，估唔到九品芝麻，都有咁大嘅官威！ 🍖所有嘅海鮮精華所在就係佢哋嘅汁，全部滴到去窩底，食到最後叫店員幫手，係呢啲精華之上加上粥底，嗰種鮮甜，足以令你係以為食海鮮食到好飽嘅