Video
Read full review
2020-02-01
737 views
本來想食附近出名嘅窩夫三文治，不過太多人排隊，所以諗住食附近嘅餐廳就算，行行吓經過手拉麵小廚，細細嘅鋪頭，都有六七個人排緊隊，等左十幾分鐘就可以入鋪頭。之前電視節目有介紹過呢度嘅手打拉麵好好食，我哋兩個人叫咗一人一碗羊肉湯拉麵，一籠招牌小籠包，一份菜肉雲吞。拉麵好快就上枱，啖湯充滿羊肉嘅鮮味，一啲都唔膻，配菜仲要好足料，有好多菜同埋羊肉片，食到最後都仲有。而拉麵就食得出唔係機打嘅，因為佢好彈牙好爽。食食吓拉麵，招牌小籠包同菜肉雲吞都上埋，一見到個小籠包忍唔住要即刻放低手上嘅拉麵，個小籠包好大粒，小籠包入邊充滿湯汁到連一個湯羹都載唔晒，記住要攤凍少少先好擺入口！另外菜肉雲吞都好有驚喜，雲吞皮好滑，鮮肉有好多汁，同招牌小籠包不相伯仲！今次總算不枉此行特登嚟新蒲崗覓食
之前電視節目有介紹過呢度嘅手打拉麵好好食，我哋兩個人叫咗一人一碗羊肉湯拉麵，一籠招牌小籠包，一份菜肉雲吞。拉麵好快就上枱，啖湯充滿羊肉嘅鮮味，一啲都唔膻，配菜仲要好足料，有好多菜同埋羊肉片，食到最後都仲有。而拉麵就食得出唔係機打嘅，因為佢好彈牙好爽。食食吓拉麵，招牌小籠包同菜肉雲吞都上埋，一見到個小籠包忍唔住要即刻放低手上嘅拉麵，個小籠包好大粒，小籠包入邊充滿湯汁到連一個湯羹都載唔晒，記住要攤凍少少先好擺入口！另外菜肉雲吞都好有驚喜，雲吞皮好滑，鮮肉有好多汁，同招牌小籠包不相伯仲！今次總算不枉此行特登嚟新蒲崗覓食
Post
