鱻88日本料理 (Closed)

近排最愛吃就係肥美嘅鰻魚，但係又想食到有特色又多不同口味，這裡又係一個唔錯嘅選擇！餐廳裝修精緻，一行過就見到部超大嘅電視屏介紹，望吓個價錢都算合理，這裡本身有廚師發板選擇，但今晚嘅目標明確鰻魚！呢張餐牌完全級引了我嘅視線，活鰻魚會席，除了沙律外其餘都係同活鰻魚有關，完成期待！落單後先上了個季節沙律，味道清新，內裡還有炸魚皮，感覺較特別！接住就係刺身盛合3點，有甜蝦、間八魚厚切後的魚腩雪白中帶點粉嫩，油花散布得很均勻。一口下去，魚腩油香四溢，卻又不失嚼勁。帆立貝豐厚的肉身極富彈性，味道鮮味甘甜。活鰻蒸年糕，外面夠晒煙韌彈牙，咬開裡面有肥美嘅鰻魚肉粒，對比強烈！活海鰻天婦羅，炸得十分香脆可口，薄薄嘅脆皮包住肥美軟熟嘅鰻魚，入口有齊雙重口感！主角活海鰻籠仔蒸飯，一個竹籠上，活鰻就係同埋啲飯一齊用個竹籠蒸，一打開就係充滿竹嘅香味，鰻魚肉質肥美軟熟，加埋啲飯一齊入口味道更加好味！最後甜品就係活鰻魚玉子蛋糕，外觀看似一件蛋糕，但入口有濃郁嘅玉子味道之餘還有細碎嘅鰻魚肉粒。今晚用了一個價錢欣賞到師傅用心製作嘅手工，以鰻魚作為一個主題，一個價錢享受所有都十分超值！