鱻88日本料理 (Closed)

我一向好中意食鰻魚，同事知道就同我講話佐敦最近有間餐廳主打鰻魚料理，聽到之後我即刻邀請佢放工陪我去試下！哈哈我就叫左個活海鰻塌塌米，呢個係一個小食，將鰻魚放係脆卜卜既脆米上，鰻魚既燒汁入味、再配上脆卜卜既脆米，一軟一脆十分有口感呢！雖然最近主打鰻魚，但餐廳都有其他日本食物，我就叫左個刺身，甜蝦非常新鮮，入口好鮮甜彈牙，唔會有腥味，三文魚腩好肥美，油脂豐富，厚切食落非常滿足！和牛炒飯，呢個炒飯除左有和牛粒之外，上面仲有幾塊厚切和牛片，非常足料，炒飯味道足，帶有和牛既肉香味，仲有牛脂係入面，飯粒炒到粒粒金黃，又夠大碟 非常好味！呢度既菜式性價比好高，下次一定會再黎！