Video
Read full review
2024-10-23
116 views
今晚同個朋友一齊去左間叫「鳥鑫」既串燒店食野。間舖係樓上既，地鐵站行去都方便，地方幾乾淨，座位都幾闊落，又無限時，可以靜靜地同朋友傾下計。好開心被安排坐係bar枱位置，可以睇到師傅點燒，又可以第一時間食到😋職員仲好貼心，幫我地換左幾次上菜既碟。呢間店主打係食雞既唔同部位，有d仲係你未聽過同未食過既，幾特別下。仲有少量其他既類型串燒。呢款沙葛椰菜前菜唔錯，沙葛清甜、椰菜新鮮，就甘食都唔錯，仲有配埋個味噌醬，又有另一番風味。叫左2款清酒🍶飲下，左邊係京姬柚子梅酒，右邊杯係淺澗梅酒，味道幾好。香香既梅酒，對於唔飲酒既我來講，唔錯既體驗，好易入口，好飲。雞胸紫蘇葉+雞柳柚子: 雞柳柚子有清清既柚子味，唔太濃郁，淡淡既柚子味令雞柳更特出，食落都好好味😋啖啖肉。 呢串雞胸紫蘇葉好嫩滑又多汁，仲擔心雞胸會唔會太鞋身，完全唔知食緊係雞胸，加埋紫蘇葉既香味。配搭得好好👍🏻香噴噴既燒雞皮，非常邪惡，但超脆卜卜，油脂適中。呢串雞肝正，燒到好焦香。冬菇，佢燒完再係上面加左少少木魚絲，令到個味道更加特別，香香既菇味再配合木魚絲，唔錯唔錯。免治雞肉捧，竟然有雞軟骨係入面，再配合埋日本鮮紅蛋黃，仲更加好味，每一啖都
間舖係樓上既，地鐵站行去都方便，地方幾乾淨，座位都幾闊落，又無限時，可以靜靜地同朋友傾下計。
好開心被安排坐係bar枱位置，可以睇到師傅點燒，又可以第一時間食到😋職員仲好貼心，幫我地換左幾次上菜既碟。
呢間店主打係食雞既唔同部位，有d仲係你未聽過同未食過既，幾特別下。仲有少量其他既類型串燒。
呢款沙葛椰菜前菜唔錯，沙葛清甜、椰菜新鮮，就甘食都唔錯，仲有配埋個味噌醬，又有另一番風味。
叫左2款清酒🍶飲下，左邊係京姬柚子梅酒，右邊杯係淺澗梅酒，味道幾好。香香既梅酒，對於唔飲酒既我來講，唔錯既體驗，好易入口，好飲。
雞胸紫蘇葉+雞柳柚子: 雞柳柚子有清清既柚子味，唔太濃郁，淡淡既柚子味令雞柳更特出，食落都好好味😋啖啖肉。 呢串雞胸紫蘇葉好嫩滑又多汁，仲擔心雞胸會唔會太鞋身，完全唔知食緊係雞胸，加埋紫蘇葉既香味。配搭得好好👍🏻
香噴噴既燒雞皮，非常邪惡，但超脆卜卜，油脂適中。
呢串雞肝正，燒到好焦香。
冬菇，佢燒完再係上面加左少少木魚絲，令到個味道更加特別，香香既菇味再配合木魚絲，唔錯唔錯。
免治雞肉捧，竟然有雞軟骨係入面，再配合埋日本鮮紅蛋黃，仲更加好味，每一啖都充滿濃郁既肉香。
雞蠔肉，會係雞既咩部位呢？食落又幾正，個皮燒得好脆，配合滑滑多汁既雞肉，好味，推薦。
食甘多唔同既雞部份，都要叫返d海鮮食下，白鱔係我最鍾意，燒得真係好好，鱔肉彈牙爽口多汁，皮又脆，重點完全無骨，非常放心大大啖食。
雞甲狀腺原來都食得既，好特別既口感，中間係空心既，煙煙韌韌甘，不妨一試。
雞中翼，係將雞翼切開，皮同肉分開燒，甘樣燒又燒到雞皮同雞肉，唔會得皮香口，而家雞肉都一樣燒到香噴噴。骨都好易脫。
哈哈，食得太多肉，點都要食返少少菜類中和下，呢串翠瓜瓜的確唔錯，唔乾身，仲好juice。
呢碟明太子長芋好好食😋好香既明太子。
呢串銀杏我仲以為會好苦，點知又幾好食下，煙煙韌韌甘。
呢串係鵪鶉腿，平時鵪鶉蛋就食得多，鵪鶉腿又真係未試過，見到menu有，叫左串來試試，啖啖肉，又唔肥，好岩食。
牛舌超厚身，食落好爽口，味道濃郁，加埋檸檬汁就very good。
雞頸肉，望落去同普通雞肉無大太分別，唔講我都未必知係雞頸肉，又幾唔錯個味道，肉香四溢😋
雞橫膈肌，呢個部位係特別煙韌，有口感既。
呢3串最特別，雞掌心、雞腿根、雞膝蓋，口感好特別，因為平時真係比較少食，原來都可以整到甘好食。幾爽口同煙韌，又燒到脆卜卜同好香，呢幾串真係幾過癮下😎
呢餐食左1600幾蚊，平均每人800蚊左右，但食到超飽，非常滿足😌可以食到甘多唔同雞既部位，呢間係唔錯既選擇。推薦！
Post
