Video
Read full review
2024-06-08
1936 views
《川大哥 - 深水埗》平日食嘅烤魚一係江團魚，一係就係鱸魚，但係鴨嘴魚你哋又食過未呢？今次嚟到呢一間位於深水埗嘅川菜館真係好大驚喜😳我係第一次見鴨嘴魚咋，佢個嘴又長又大片，你幻想吓一條魚上面生左鴨嘅嘴巴，就會知道點解我見到佢嘅時候咁驚喜😉呢度有烤魚酸菜魚嘅食物之外，仲有香港人最鍾意食嘅串燒，飲住啤酒食串串燒真係十分寫意💁🏻♀️蒜香味烤魚-鴨嘴魚 $328呢度嘅烤魚選嘅魚類都好大件，呢一個份量我相信三至四個人食都夠分，建議叫一份烤魚再叫其他小食，咁就可以試多啲其他款啦😉鴨嘴魚嘅肉質比較厚實，食落有質感，喜歡啖啖肉嘅話一定鍾意呢一款魚類☺️烤魚入面仲有蘿蔔、金菇、海帶等食材，所以一條烤魚兩個人食真係夠飽㗎啦💁🏻♀️燒豬大腸/2串 $39豬大腸絕對係惹味之選，餐廳清理得乾淨冇奇怪嘅味道，用咗孜然同埋少少辣椒粉調味，食落香脆彈牙，送酒一流👍🏻💁🏻♀️原條燒粟米 $30朋友鍾意食燒粟米，呢度原條燒完再切件，拎起上嚟都好墜手，微微燒過再落咗牛油調味，咬落多汁幾好味💁🏻♀️厚切牛脷/2串 $39厚切牛脷都係必點嘅其中一樣，佢係比較上濃味嗰一種牛舌，不過我個人都幾鍾意呢一種香味配搭返孜然粉咁食，好有重慶
平日食嘅烤魚一係江團魚，一係就係鱸魚，但係鴨嘴魚你哋又食過未呢？今次嚟到呢一間位於深水埗嘅川菜館真係好大驚喜😳我係第一次見鴨嘴魚咋，佢個嘴又長又大片，你幻想吓一條魚上面生左鴨嘅嘴巴，就會知道點解我見到佢嘅時候咁驚喜😉呢度有烤魚酸菜魚嘅食物之外，仲有香港人最鍾意食嘅串燒，飲住啤酒食串串燒真係十分寫意
💁🏻♀️蒜香味烤魚-鴨嘴魚 $328
呢度嘅烤魚選嘅魚類都好大件，呢一個份量我相信三至四個人食都夠分，建議叫一份烤魚再叫其他小食，咁就可以試多啲其他款啦😉鴨嘴魚嘅肉質比較厚實，食落有質感，喜歡啖啖肉嘅話一定鍾意呢一款魚類☺️烤魚入面仲有蘿蔔、金菇、海帶等食材，所以一條烤魚兩個人食真係夠飽㗎啦
💁🏻♀️燒豬大腸/2串 $39
豬大腸絕對係惹味之選，餐廳清理得乾淨冇奇怪嘅味道，用咗孜然同埋少少辣椒粉調味，食落香脆彈牙，送酒一流👍🏻
💁🏻♀️原條燒粟米 $30
朋友鍾意食燒粟米，呢度原條燒完再切件，拎起上嚟都好墜手，微微燒過再落咗牛油調味，咬落多汁幾好味
💁🏻♀️厚切牛脷/2串 $39
厚切牛脷都係必點嘅其中一樣，佢係比較上濃味嗰一種牛舌，不過我個人都幾鍾意呢一種香味配搭返孜然粉咁食，好有重慶燒烤嗰一種感覺，肉質比較腍身易咬，大大片幾抵食
Post
