Video
Read full review
2023-06-28
714 views
📌 鵝頸橋四季火鍋 - 銅鑼灣謝斐道414-424號中望商業中心地下1-2號舖🗓(28/6) 星期三 ⏰ 晚上6:30左右 💈特式：呢間火鍋餐廳主打70~80年代老香港🇭🇰懷舊風格，由裝修佈置>醬料車>餐單>餐具>氣氛>音樂等等，都做到玩味十足，當中亦有好多打卡位，好適合我呢個差唔多年代嘅人，因為餐廳播嘅每首歌我都識🥺。🥩🍔🌭🌮🥗🥯🥘🍲🍝🍣🥟🍤🍱食物：餐單做到好似份報紙咁，而且食物種類真係太多，睇到我眼花撩亂，不過好彩見到佢到有個中鍋(2人份量)套餐，啱晒有選擇困難症嘅我，而家等我同大家講下🇭🇰🍲味道先。懷舊生鍋 中鍋(2人份量) $780 - 呢個套餐已經包左湯底，再總共有18種海鮮及火鍋配料，隨餐仲會送一支酸梅湯或竹蔗茅根水。醬料 - 點解要特登提到醬料，因為佢地會用細個係酒樓先會見到嘅點心手推車，推d醬料去比你用，見到架點心車個一刻，d兒時飲茶回憶即刻湧晒出嚟。湯底 - 有香濃沙嗲/芫茜皮蛋/豆腐什菌清湯選擇，仲可以揀鴛鴦都唔洗特登加錢，我就揀左我最鐘意嘅沙嗲湯，佢地係用懷舊款淺身鍋做器皿，湯底好香，味道好濃郁，而且入面有好多花生粒同
🗓(28/6) 星期三 ⏰ 晚上6:30左右
💈特式：呢間火鍋餐廳主打70~80年代老香港🇭🇰懷舊風格，由裝修佈置>醬料車>餐單>餐具>氣氛>音樂等等，都做到玩味十足，當中亦有好多打卡位，好適合我呢個差唔多年代嘅人，因為餐廳播嘅每首歌我都識🥺。
🥩🍔🌭🌮🥗🥯🥘🍲🍝🍣🥟🍤🍱
食物：餐單做到好似份報紙咁，而且食物種類真係太多，睇到我眼花撩亂，不過好彩見到佢到有個中鍋(2人份量)套餐，啱晒有選擇困難症嘅我，而家等我同大家講下🇭🇰🍲味道先。
懷舊生鍋 中鍋(2人份量) $780 - 呢個套餐已經包左湯底，再總共有18種海鮮及火鍋配料，隨餐仲會送一支酸梅湯或竹蔗茅根水。
醬料 - 點解要特登提到醬料，因為佢地會用細個係酒樓先會見到嘅點心手推車，推d醬料去比你用，見到架點心車個一刻，d兒時飲茶回憶即刻湧晒出嚟。
湯底 - 有香濃沙嗲/芫茜皮蛋/豆腐什菌清湯選擇，仲可以揀鴛鴦都唔洗特登加錢，我就揀左我最鐘意嘅沙嗲湯，佢地係用懷舊款淺身鍋做器皿，湯底好香，味道好濃郁，而且入面有好多花生粒同櫻花蝦，我覺得咁樣令到個湯底更好味，所以個湯底我十分滿意。
海鮮/火鍋配料 - 總數有18款咁多，包括潮汕手切肥牛/手切牛頸脊/本地手切牛胸油/豚肉片/紙豆腐/潮汕牛丸/振興濃汁貢丸/自家製雲吞/鮮豬什/脆肉鯇魚骨腩&片/大沙白/海蝦/花枝片/鮑魚/雞蛋/稻庭烏冬/什菜/即炸響鈴。
當中我覺得最特別就係紙豆腐，薄到好似紙咁嘅豆腐皮，放係一個好傳統古老嘅鐵杯入面，淥完之後食落感覺就少少似腐竹；海鮮方面都好新鮮，鮑魚同蝦上枱仲識郁下郁下，同埋好鮮味爽口，沙白又大粒又無沙；丸類質素亦好好，仲有我鍾意食嘅振興貢丸；響鈴就真係即炸，而且好長好大條。
☕️🍵🥤🧋🍺🍷🥃🍹🧉🍾🍶🥛
飲品 : 跟餐我地就揀左酸梅湯，味道比出面一般火鍋店好飲，似係自家製唔似係外購野，飲落生津潤喉又解膩。
🍽環境：呢間餐廳嘅環境我真係比佢滿分，首先咁懷舊嘅香港風格已經係好多香港人嘅集體回憶，加上佢精心嘅裝修佈置，仲有一d唔起眼位都做得相當有心思，影相打卡一流。
🤵🏻🤵🏻♀️🤵🏻♂️服務：職員態度好nice，會同客人友善地吹吓水，同向客人介紹餐廳特式及時令海鮮，menu上有咩食材已售罄等等，亦有不時有幫忙留意個鍋底有無需要加湯同調較合適火力。
💰💸價錢：成個套餐就$780蚊，加埋餐前小食同醬料費每位$20，計埋加一埋單就大約$900，但佢提供到咁嘅懷舊環境/味道/食物質素，而且個餐係飽到兩個成年人都食唔晒，所以都叫做比較合理，我諗應該會再次帶朋友嚟幫襯。
🐲💬總結：因為我都算上左年紀😭，見到呢間餐廳嘅懷舊氣氛，都會勾起我好多兒時回憶，同朋友食下/傾下，講下以前細個嘅往事咁又過左一晚，所以有時一間餐廳，除咗野食要好食之外，餐廳嘅環境同佈置都相當重要，所以今餐飯我同朋友都十分滿意。
推薦指數：❤️❤️❤️❤️❤️
懷舊生鍋 中鍋(2人份量)
$780
22 views
0 likes
0 comments
懷舊生鍋 中鍋(2人份量)
$780
23 views
0 likes
0 comments
懷舊生鍋 中鍋(2人份量)
$780
15 views
0 likes
0 comments
懷舊生鍋 中鍋(2人份量)
$780
14 views
0 likes
0 comments
紙豆腐
20 views
0 likes
0 comments
Post
