南瀛水產

🥢南瀛水產 ❣️尖沙咀金馬倫道5號太興廣場5樓-----所謂假期前夕，永遠都係慰勞自己嘅好藉口.暗黃燈光配搭滿天燈籠藤繩，加上日本畫布背景，同淡淡海產天然鹹鮮氣味，令餐廳散發濃濃日本浜燒店嘅氣息。.蟹味噌甲羅燒（$78）活貝盛合（$428）軟殼蟹沙律（$98）南瀛極上刺身丼（$398）鐵火卷（$78）.蟹味噌甲羅燒一直係佢地嘅主打，生鵪鶉蛋、蟹膏、蟹肉、蟹籽，加少許翠綠香蔥，邊燒邊攪拌，香味溢出，令人聞到都覺得垂涎欲滴。食落口感滑溜濃郁，鹹鮮鹹鮮的。活貝盛合裡面有帆立貝、鮑魚、生蠔同沙白，全部質素都不錯，當中尤以帆立貝最為鮮甜，燒完連d汁都想飲埋。軟殼蟹沙律就係每次嚟都必要嘅前菜，軟殼蟹份量多，外酥之餘，內亦脆，蟹味頗重，香口熱氣配搭清新沙律，令guilty度減低不少。飯食方面，南瀛極上刺身丼同鐵火卷嘅刺身質素都屬中上水平，南瀛極上刺身丼刺身種類多，顏色味道均豐富，但若考慮及性價比，個人就覺得鐵火卷更值得一試，呢個價錢佢哋唔係俾吞拿魚茸，而係真吞拿魚粒，而且厚切大粒入口即化。----👶🏻B仔整體評價：7.5/10個👶🏻👶🏻B仔服務評價：7/10個👍🏻👶🏻B仔抵食程度：7/10個👍🏻👶🏻B