Video
Read full review
2024-05-20
59 views
好耐冇食過韓燒，今晚同朋友黎到灣仔新鴻基中心附近嘅「MAEK JEOK貊炙」，食韓式燒肉晚餐。餐廳環境寬敞，卡位坐得舒服，酒紅色嘅裝潢配合偏暗燈光，型格又有時尚感。餐廳服務都唔錯，店員主動加水，而每款燒肉都由店員代燒，我地坐定定就有得食。我地點完餐後，隨即送上五款韓式前菜，包括泡菜、辣蘿蔔、海帶、菠菜及辣芽菜，唔夠食可以再添~~食燒肉緊係飲返啲比較清爽嘅飲品，我地點咗杯西柚乳酸梳打同埋青瓜檸檬梳打@$42，酸酸地幾refresh，解膩一流醬油盛合 $185有三款海鮮凍上，包括蝦、帶子及八爪魚。蝦大大隻，蝦肉爽甜；帶子厚肉飽滿；八爪魚有咬口。全部用上醬油醃製，都幾入味鹽磚和牛西冷牛扒 $888油花分佈細緻均勻，一燒起已經油香四溢，燒至約五成熟時店員就放喺鹽磚上冷卻，同時吸下啲鹽調下味。一口咬下肉質腍嫩多汁，肉味濃郁香甜，齒頰留香，真係好滿足！和牛牛舌 $178口感脆嫩帶嚼勁，牛味香濃，點少少柚子鹽可增添風味，令味道更有層次海鮮煎蔥餅 $168即叫即煎，大大個又煎得乾身香脆。我地食到墨魚粒、蝦肉、青紅椒，口感豐富。個醬汁又幾夾，蘸埋食更加好味蜂蜜雪糕 $52賣相啱哂打卡😍 一口軟滑雪糕，配
餐廳環境寬敞，卡位坐得舒服，酒紅色嘅裝潢配合偏暗燈光，型格又有時尚感。餐廳服務都唔錯，店員主動加水，而每款燒肉都由店員代燒，我地坐定定就有得食。
我地點完餐後，隨即送上五款韓式前菜，包括泡菜、辣蘿蔔、海帶、菠菜及辣芽菜，唔夠食可以再添~~
食燒肉緊係飲返啲比較清爽嘅飲品，我地點咗杯西柚乳酸梳打同埋青瓜檸檬梳打@$42，酸酸地幾refresh，解膩一流
醬油盛合 $185有三款海鮮凍上，包括蝦、帶子及八爪魚。蝦大大隻，蝦肉爽甜；帶子厚肉飽滿；八爪魚有咬口。全部用上醬油醃製，都幾入味
鹽磚和牛西冷牛扒 $888油花分佈細緻均勻，一燒起已經油香四溢，燒至約五成熟時店員就放喺鹽磚上冷卻，同時吸下啲鹽調下味。一口咬下肉質腍嫩多汁，肉味濃郁香甜，齒頰留香，真係好滿足！
和牛牛舌 $178口感脆嫩帶嚼勁，牛味香濃，點少少柚子鹽可增添風味，令味道更有層次
海鮮煎蔥餅 $168即叫即煎，大大個又煎得乾身香脆。我地食到墨魚粒、蝦肉、青紅椒，口感豐富。個醬汁又幾夾，蘸埋食更加好味
蜂蜜雪糕 $52賣相啱哂打卡😍 一口軟滑雪糕，配一小口蜂巢，軟雪糕嘅奶香同蜂蜜嘅香甜喺口中相互交織，甜蜜而不膩
Post
