Video
Read full review
2023-01-31
81 views
希鳥 KICHO 香港，係海外首間分店，餐廳選用日本鹿兒島黑薩摩雞，再用備長炭火燒烤，等客人可以體驗正宗日式鳥割烹料理！見佢地晚餐分咗 2 Round —— 6 點同 8 點 30，見暫時得晚市，要嚟食就記得早啲打嚟訂位！我見 Bar 枱隔離仲有間獨立房，好似都坐到十人到，可以 book 嚟同 friend 興祝生日！個晚我地訂咗 6 點，最好準時到，因為要等埋其他同時段客人一齊開始！仲嗌咗佢自家嘅 House Sake（店員話配合佢地既菜式食一流），又幾清甜帶少少果香味！飲唔哂仲可以帶走添！講到菜式方面，會因應時令同季節而轉，不過我都想同大家分享個晚食咗啲咩美食！第 1 道菜喺雞湯嚟，入面有用雞肉整嘅 ball！第一啖飲落去個雞湯好清甜，上面有少少油，但一啲都唔膩！之後嘅 Yakitori 都燒得啱啱好，香得嚟又多汁，每次都會分原味同配搭不同醬汁，等你可以試哂2種味道！當中有個半熟雞肉加三文魚子手卷，店員建議一啖食哂佢半熟雞肉都係我第一次食，本身仲好驚會好腥有少少唔敢食，點知食落去個質感同我想像中一啲都唔同，就好似食緊三文魚刺身咁帶點煙靭嘅口感。食到咁上下上咗個好似甜品嘅菜式 原來係
見佢地晚餐分咗 2 Round —— 6 點同 8 點 30，見暫時得晚市，要嚟食就記得早啲打嚟訂位！我見 Bar 枱隔離仲有間獨立房，好似都坐到十人到，可以 book 嚟同 friend 興祝生日！
個晚我地訂咗 6 點，最好準時到，因為要等埋其他同時段客人一齊開始！仲嗌咗佢自家嘅 House Sake（店員話配合佢地既菜式食一流），又幾清甜帶少少果香味！飲唔哂仲可以帶走添！
講到菜式方面，會因應時令同季節而轉，不過我都想同大家分享個晚食咗啲咩美食！
第 1 道菜喺雞湯嚟，入面有用雞肉整嘅 ball！
第一啖飲落去個雞湯好清甜，上面有少少油，但一啲都唔膩！之後嘅 Yakitori 都燒得啱啱好，香得嚟又多汁，每次都會分原味同配搭不同醬汁，等你可以試哂2種味道！
當中有個半熟雞肉加三文魚子手卷，店員建議一啖食哂佢
半熟雞肉都係我第一次食，本身仲好驚會好腥有少少唔敢食，點知食落去個質感同我想像中一啲都唔同，就好似食緊三文魚刺身咁帶點煙靭嘅口感。食到咁上下上咗個好似甜品嘅菜式 原來係一舊好似麵根嘅野，有竹炭同南瓜嘅味道，加埋自家整嘅 Chicken Miso ，又甜又鹹味道好新鮮。
下一道先真係甜品嚟，同甜酒和柚子做嘅沙冰嚟解下膩，先繼續下一道菜，好細心！
最後可以選雞湯拉麵或者黑松露雞飯(+$100)，難得嚟到食，當然兩個都要一試啦！
雞湯拉麵嘅湯汁好濃郁，啲麵可以完成地掛哂湯！而個黑松露雞飯，將啲雞肉打碎哂，加埋啲黑松露，好值得加錢食佢！當然要用甜品做結尾，2 塊餅中間包住栗子醬加海鹽雪糕，可以夾嚟食或者分開食都可以，因為太多栗子醬，要食咁啲先，先可以夾埋一齊食！
仲有個好似蛋殼嘅容器，係黑芝麻布丁，布丁底部有層濃濃嘅芝麻糊，唔中意食黑芝麻嘅我都覺得好好食！不得不說呢餐真係大開眼界，平時好少食到嘅雞部位，今次一次過食哂，當中雞冠、雞脖肉、雞尾巴都令我好驚訝，原來可以咁好食！
Post
