Video
Read full review
2021-08-20
163 views
建議：舖頭係朗豪坊11樓，天吉屋隔離就甘聽個名以為係食日本野，之後上網睇下有咩好介紹時，發現新奇黃色奶蓋、芝士手抓餅 同埋 招牌牛三寶都好似好吸引 🤤🍜周末下午3點左右去到，等左一陣就有店員出黎安排座位，算坐得幾舒服😌今次試左：▫️招牌麻辣牛三寶 (HK$88)▪️滷肉飯 (大 HK$48)兩樣主食既份量都正常，食完都夠飽 😋而招牌麻辣牛三寶既辣度分左小/中/大辣 可以揀 🌶️ 揀左中辣同牛三寶都幾夾，辣度無想像中甘強烈。餐牌有講到湯底係用美國牛肉 同牛骨，用上72小時烹煮。而牛三寶就包括：牛頸脊、牛頰肉 同牛腱心 🐄 食落唔會太嚡。▫️芝士肉鬆雞蛋手工手抓餅 (2件 HK$45)價錢黎講都算貴，不過因為真係好想試，所以直接落左單 🤪 整體味道唔錯，肉鬆既份量好多。頭個幾啖唔係好食到芝士同雞蛋，食到後尾芝士味先出番黎🧀如果份量多番啲/價錢平啲，下次會Encore。不過唔係太鍾意食芝士既朋友仔，可能會覺得太油膩。▪️脆脆布丁歐蕾奶茶 (HK$35)打算試新奇黃色奶蓋，所以突登叫多杯茶飲。就咁睇名，其實真係分唔到邊啲係有奶蓋🤣 店員話得3️⃣款茶飲有奶蓋：金香芋米、脆脆布丁歐蕾奶茶、抹茶歐蕾熔岩。如果
就甘聽個名以為係食日本野，之後上網睇下有咩好介紹時，發現新奇黃色奶蓋、芝士手抓餅 同埋 招牌牛三寶都好似好吸引 🤤🍜
周末下午3點左右去到，等左一陣就有店員出黎安排座位，算坐得幾舒服😌
今次試左：
▫️招牌麻辣牛三寶 (HK$88)
▪️滷肉飯 (大 HK$48)
兩樣主食既份量都正常，食完都夠飽 😋而招牌麻辣牛三寶既辣度分左小/中/大辣 可以揀 🌶️ 揀左中辣同牛三寶都幾夾，辣度無想像中甘強烈。
餐牌有講到湯底係用美國牛肉 同牛骨，用上72小時烹煮。而牛三寶就包括：牛頸脊、牛頰肉 同牛腱心 🐄 食落唔會太嚡。
▫️芝士肉鬆雞蛋手工手抓餅 (2件 HK$45)
價錢黎講都算貴，不過因為真係好想試，所以直接落左單 🤪 整體味道唔錯，肉鬆既份量好多。頭個幾啖唔係好食到芝士同雞蛋，食到後尾芝士味先出番黎🧀
如果份量多番啲/價錢平啲，下次會Encore。不過唔係太鍾意食芝士既朋友仔，可能會覺得太油膩。
▪️脆脆布丁歐蕾奶茶 (HK$35)
打算試新奇黃色奶蓋，所以突登叫多杯茶飲。就咁睇名，其實真係分唔到邊啲係有奶蓋🤣
店員話得3️⃣款茶飲有奶蓋：金香芋米、脆脆布丁歐蕾奶茶、抹茶歐蕾熔岩。如果其他茶飲想加奶蓋，就另加HK$5。
金香芋米咁岩賣哂，所以最後揀左脆脆布丁。店員話通常奶蓋有3️⃣種口味，不過主要係睇當日廚房整左啲咩🤣 當日黃色既奶蓋係蛋糕味。
奶蓋上面仲用左火槍燒過，飲落口感似焦糖布丁，所以應該係脆脆布丁既意思。飲落口感脆脆地幾得意，不過如果就咁飲奶蓋，無左焦糖面可能就會一般。
奶茶底比較淡，如果想要啲咬口，可以考慮加配料 (HK$5@) 珍珠/仙草/黑糯米/椰果。
Post
