香格里拉米線專門店 (Closed)

旺角香格里拉係我最經常食的麻辣米線店，最高峰係一星期食兩三次，令我食完又食就係佢的蒜香白肉!先講店面環境：甚窄，我通常放工落旺角行街前去食，大約6點唔會好多人，不過位就窄，幾迫下，坐得唔叫舒服。湯底方面：都唔叫話特別好味，但辣味就好夠，小辣就則則好仲食到湯的味，中辣就得個麻字。配料都算相當多，較特別的有竹笙同埋鮑片，辣牛丸等比較偏門的，當然有我最愛的蒜香白肉。一碗米線23蚊包一餸，加一樣就加4-5蚊，一般配料4蚊一份，竹笙、肥牛好似貴點，係5蚊那種，而配料份量都好足，蒜香白肉非常入味，一碗大約有6-7塊，而且都算大片。蘿蔔就算林，但不算入味，辣牛丸配麻辣湯相當不錯。其他配料少吃，所以沒有什麼意見。特別注意的是，這店6點前係有下午茶，配飲品原本7蚊，下午茶時段4蚊，但佢個鐘係快幾分鐘，我次次去到，我個鐘5:55 ~~佢個鐘就夠鐘。