茶房別天神

Open Now

Now Closed

見今期aeon做緊減價，同朋友去shopping，順便去別天神食拉麵，上網好多人介紹，好食得黎重點係黃店。我地叫左別天神套餐有餃子同蝦味噌套餐有小龍蝦蟹籽沙律，分別係$105同$115。別天神套餐係豚骨湯底，白白嘅湯底十分濃郁，叉燒唔算太肥我中意，木耳好爽口，拉麵軟硬適中。可以加蒜泥同辣芽菜同拉麵一齊食，好夾。餃子煎得外脆內軟，好多汁。小龍蝦蟹籽沙律係必點！小龍蝦鮮甜加上蟹籽爽口，可以夾住紫菜一齊食。蝦味噌拉麵比豚骨拉麵更香濃，加左大量櫻花蝦增加咸香味，粟米香甜，溏心蛋煮得剛剛好，蛋香濃郁。