潮潮居

Open Now

Now Closed

同事係潮州人，經常周圍去搵潮州菜食，近日佢就叫埋我去黃埔潮潮居一齊試吓，潮潮居主打正宗潮州菜，裝修時尚，座位寬敞舒適，地方整潔。餐廳而家逢星期一至五每天有不同菜式做優惠，今日就係滷水鵝肉做半價，當然不會錯過。馳名滷水鵝肉：滷水鵝肉質肥瘦適中，鵝肉嫩滑，滷水汁鹹味恰到好處，亦充滿油香，味道香甜，墊底的滷水豆腐又香又滑。碧綠帶子蝦球色彩鮮明，西蘭花碧綠爽口，帶子和蝦球用料上乘，熟度啱啱好，醬汁亦調得夠味，做到又香又彈牙。家鄉蠔仔肉碎粥：蠔仔同肉碎新鮮而且份量十足，蠔仔粒粒飽滿，令整鍋粥充滿海鮮味，味道鮮甜美味。