東海薈 (HomeSquare)

Open Now

Now Closed

又係大閘蟹嘅季節♥️。每年都會同屋企人出嚟至少食一餐🦀。今年揀咗東海飲食集團旗下嘅東海薈試吓。六人餐$2688加一。個餐都幾豐富同抵食。有鮮拆蟹粉小籠包，京式片皮鴨，雞蓉燕窩羹，清蒸大閘蟹12隻（每隻公約五兩），蟹粉蒜蓉包，頭抽美極大花蝦，蟲草花浸時蔬，暖心薑茶湯圓，另外一個餐仲會包埋每人一杯橙汁或者一罐汽水。套餐嘅大閘蟹仲可以每隻另加$80轉為六両（公）。冇限時，可以慢慢品嚐，我哋差唔多食咗成三個鐘。五両嘅大閘蟹嚟講，啲蟹都算多膏。服務都幾好，好勤換碟同埋第二round嘅大閘蟹佢會等你食完第一round先上👍🏻。一大班人又唔想喺屋企咁麻煩自己整嘅話，呢度呢個套餐都係唔錯嘅選擇。