Video
Read full review
2018-04-11
110 views
616呢個名向來響噹噹，今次仲係同麥子crossover，真係可以一啖肉、一啖啤酒，同朋友相聚傾吓計認真唔錯。一入門口已經見到「飲飽食醉」同埋「醉生夢死」幾隻大字，相當有氣勢。係等緊位嘅期間，店員問我地想唔想飲番杯啤酒先。咁我哋就喺吧枱一邊等位，一邊嘆麥子啤酒。我點左一杯「這些機會不是屬於我的」，個名已經夠晒盞鬼，不過原來唔係剩係得gimmick，都真係幾好飲架。啤酒比較清香，容易入口，好似陣陣花香味咁，好啱女仔飲！終於有位啦，我哋立即拎起電子餐牌，研究下有咩湯底先！呢度一共有六個選擇，我哋揀咗比較清淡嘅牛骨清湯，因為唔想比湯底嘅味道蓋過咗牛肉嘅鮮味，咁就可以試一試呢度嘅牛肉到底質素如何。呢度嘅牛肉種類有好多，多到好多名我都未聽過。餐枱上嘅墊枱紙會話你知每款牛肉最佳烹調時間係幾多秒，大家千祈唔好overcook!試咗以下幾款都覺得唔錯㗎 🔺吊龍伴: 呢個部位係包住牛腰脊兩邊嘅肉，油脂雪花都幾多，入口滿油香！🔺匙柄: 牛肉味好香濃，但脂肪比例相對上冇咁多，冇咁滑身。🔺金花趾: 係牛後腿肌腱部分，雖然會有筋，但口感比較爽口彈牙，容易咬開，多左一種脆卜卜嘅感覺，個人黎講幾鍾意！🔺牛舌: 最鍾
一入門口已經見到「飲飽食醉」同埋「醉生夢死」幾隻大字，相當有氣勢。
係等緊位嘅期間，店員問我地想唔想飲番杯啤酒先。咁我哋就喺吧枱一邊等位，一邊嘆麥子啤酒。我點左一杯「這些機會不是屬於我的」，個名已經夠晒盞鬼，不過原來唔係剩係得gimmick，都真係幾好飲架。啤酒比較清香，容易入口，好似陣陣花香味咁，好啱女仔飲！
終於有位啦，我哋立即拎起電子餐牌，研究下有咩湯底先！呢度一共有六個選擇，我哋揀咗比較清淡嘅牛骨清湯，因為唔想比湯底嘅味道蓋過咗牛肉嘅鮮味，咁就可以試一試呢度嘅牛肉到底質素如何。
呢度嘅牛肉種類有好多，多到好多名我都未聽過。餐枱上嘅墊枱紙會話你知每款牛肉最佳烹調時間係幾多秒，大家千祈唔好overcook!
試咗以下幾款都覺得唔錯㗎
🔺吊龍伴: 呢個部位係包住牛腰脊兩邊嘅肉，油脂雪花都幾多，入口滿油香！
🔺匙柄: 牛肉味好香濃，但脂肪比例相對上冇咁多，冇咁滑身。
🔺金花趾: 係牛後腿肌腱部分，雖然會有筋，但口感比較爽口彈牙，容易咬開，多左一種脆卜卜嘅感覺，個人黎講幾鍾意！
🔺牛舌: 最鍾意佢煙煙韌韌嘅口感，好有咬口，仲有少少牛肉羶味，啱晒我！
除咗唔同嘅牛肉之外，當然仲有蔬菜同埋其他配料，大家不妨嚟試吓，睇吓你會鍾意邊一個部位嘅牛肉啊！
Post
