Video
Read full review
2019-04-12
601 views
約足兩星期，終於跟港女夾到時間，最初計劃到旺角齋舖晚膳，誰知殺出兩個阿叔程咬金捉左港女到樂事佛堂 happy hour，搞錯呀！等到七點半，無食 lunch 餓鬼死我喇。港女推介位於商場地庫日式 cafe，稱以前經常幫襯，而且食物質素蠻不錯。但事過境遷，味道不再，已跌至難食的水平，港女連聲道歉。我真係無所謂喎，而且會再來試真一點。商場 open 食店，感覺較像高級茶記。bob 頭妹妹笑容滿面 so sweet，招乎周到主動有衝勁，好 warm 食得舒服。相比那位素顏短金髮瘦嬸西面迎人，唔知以為係廟街大排檔。吞拿魚牛油果蓋飯，何解幾份 menu 上菜名都不一致架？還有吞拿魚牛油果沙律飯、牛油果吞拿魚茸蓋飯，有欠專業使到食客好混亂。港女細心地將牛油果切粒，跟溫泉蛋、吞拿魚蓉、沙律菜撈得均勻細緻，再齊齊嘆。好有心機喎，麻煩晒。蛋黃味道最突出，不過其他食材都係偏淡的，真的沒什麼味道喎。港女問侍應以前不是有跟汁的嗎？原來已經取消，最後唯有用刺身豉油代替，混在一起再試，味道好多了。牛肋肉，剛剛燒起熱燙燙，烤肉香味四散，流晒口水，我唔客氣喇 ﹗爆汁香甜牛味淡淡然，清新不濃，都係添點茄汁或 A1 醬比
但事過境遷，味道不再，已跌至難食的水平，港女連聲道歉。我真係無所謂喎，而且會再來試真一點。商場 open 食店，感覺較像高級茶記。bob 頭妹妹笑容滿面 so sweet，招乎周到主動有衝勁，好 warm 食得舒服。相比那位素顏短金髮瘦嬸西面迎人，唔知以為係廟街大排檔。
吞拿魚牛油果蓋飯，何解幾份 menu 上菜名都不一致架？還有吞拿魚牛油果沙律飯、牛油果吞拿魚茸蓋飯，有欠專業使到食客好混亂。港女細心地將牛油果切粒，跟溫泉蛋、吞拿魚蓉、沙律菜撈得均勻細緻，再齊齊嘆。好有心機喎，麻煩晒。蛋黃味道最突出，不過其他食材都係偏淡的，真的沒什麼味道喎。港女問侍應以前不是有跟汁的嗎？原來已經取消，最後唯有用刺身豉油代替，混在一起再試，味道好多了。
牛肋肉，剛剛燒起熱燙燙，烤肉香味四散，流晒口水，我唔客氣喇 ﹗爆汁香甜牛味淡淡然，清新不濃，都係添點茄汁或 A1 醬比較好。味道確實不錯，可能太瘦所以有少少韌，給多點牙力趙吧，肥膏及筋都比較多，吃不了。
白酒蒸蜆，浸蜆？煮蜆？蒸蜆？何來蒸呢？跟日版即食麵豉蜆湯味道一模一樣。蜆肉陰沉的味道，毫無鮮味可言，罐頭味就相當突出，趙落是橡膠的質感，有料！湯底就飲唔到白酒或香草味道，有點像牛油又似鰹魚似麵豉汁。
炸軟殼蟹辣味肉醬意大利麵，這邊廂寫住意大利麵、那邊廂寫住意粉，您想點呢？可否寫得一致，而且依度係香港請用意粉，不要赤化。是我最愛的細號意粉喎。幼幼的乾爽嚥韌，非常有質感，不會濕淋淋或腍劈劈，捲上辣肉汁泛著微弱甜椒茄醬味，雖然肉醬有點稀有點水汪汪，還達標合格。
我愛辣，淋上大量辣椒仔汁再品嚐，味道更濃更香更辣可口開胃。炸軟殼蟹我就比滿分喇，新鮮出爐香噴噴，脆漿鬆化不太厚不會厚掘掘，金黃不油脆到索索聲。大大隻軟殼蟹啖啖肉，鮮味突出，但蟹膏味更霸道，爆膏甘甜無比，讚呀 ﹗
水牛城雞翼 4 件，不用幾分鐘就送到。水牛城雞翼可以煮得如此難食，廚藝出神入化﹗外層脆漿又腍又韌，微暖油感十足，內外同樣乾爭爭，無鮮味無香味無辣味無酸味，死實陰沉的味道一早煮定，滾上冰涼濃味 blue cheese 可以掩飾一下。
吞拿魚牛油果蓋飯
46 views
0 likes
0 comments
吞拿魚牛油果蓋飯
23 views
0 likes
0 comments
牛肋肉
32 views
0 likes
0 comments
牛肋肉
24 views
0 likes
0 comments
白酒蒸蜆
40 views
0 likes
0 comments
炸軟殼蟹辣味肉醬意大利麵
21 views
0 likes
0 comments
炸軟殼蟹辣味肉醬意大利麵
32 views
0 likes
0 comments
水牛城雞翼
19 views
0 likes
0 comments
Other Info. :
人生題外話，怪胎港女惡人先告狀！約四次他媽的港女，吐苦水好人難做﹗
第1 次，打邊爐有得坐住涼冷氣，遲半個幾鐘，算喇。
第 2 次，話撞到朋友要傾計，呆坐 1 個鐘等港女傾完先去食飯。
第 3 次，我已出左黎，當日港女貓仔唔舒服，取消。
最後 1 次，我已到餐廳等位，餐廳話未齊人唔比坐，大熱天時企係街度 10分鐘我已興合合濕晒出汗，問港女係邊仲係屋企。即著晒火，怨港女幾句，即 block 電話 、Facebook、WeChat﹗激死我激死我，好似我錯咁款 ﹗
(The above review is the personal opinion of a user which does not represent OpenRice's point of view.)
Post
