十字冰室 (The Argyle)

Open Now

Now Closed

十字牌牛奶大家冇飲過都一定有聽過，咁唔知大家有冇食十字冰室呢🙈之前食過佢哋嘅早餐，超級大份加吸引😋，今次就嚟食下佢哋嘅午餐。-🍴石鍋沙嗲牛肉湯公仔麵🍜 ($72)最近天氣凍咗，食熱辣辣嘅沙嗲牛肉公仔麵，個胃都舒服曬，麵嘅面頭有啲蔥粒同一啲炸過嘅配料，令到碗麵更多風味！沙嗲味都幾濃，牛肉都好多塊！不過略嫌食到一半嘅時候，就有啲膩😗。-🍴黑松露炒滑蛋及牛油多士🍞 (跟餐)超級好食🤩！黑松露味超級香！炒蛋亦都好滑身，配上牛油多士，簡直一流😋！-🍴熱奶茶☕️ (跟餐) 熱奶茶重奶味🥛，唔會有茶嘅澀味，奶茶好滑身，飲落好順口👍🏻。