蘭香麵家

Open Now

Now Closed

好耐冇去蘭香，主要係難泊車，今晚路經尖沙咀，一於去試吓。叫咗碗黑柏葉米粉。米粉未到，先上秘製豉油，呈深黑色，帶有甘香味，絕對係蘭香嘅鎮店之寶，冇咗呢碟秘製豉油，一齊都係徒然。黑柏葉米粉，賣相依舊，非常多嘅蔥絲，冇錯係蔥絲，並非蔥花，方便夾埋其他食材一齊食，如果係蔥花的話，根本夾唔起，只可調味，未能食用；黑柏葉嘅份量亦好多，絕不欺場，而且切得幼細，令客人食得更爽口，咬了一口，爽且脆，有嚼頭，但唔韌，咬落嗦嗦聲，非常爽；米粉嘅份量都唔少，算爽口，但彈牙程度略遜一籌，都ok啦；至於湯底，清甜，但偏淡，並非味精湯底，加幾滴秘製豉油，可以令湯底更香甜，正。$25咁大碗，唔貴。除咗黑柏葉外，雞腸係另一招牌菜，鵝腸就好多地方有得食，雞腸就唔係四處食得到；蘭香嘅雞腸，肥脂唔多，亦非常爽脆，絕對係佳品。