黑門水產すいさん (棉登徑)

Open Now

Now Closed

今晚同朋友來到尖沙咀棉登徑的黑門水產。店面充滿日本風格的設計，入到店內氣氛熱鬧，感覺好似置身日本咁。坐低已經聞到好香的浜燒，未睇餐牌已經決定要點浜燒。除咗燒海鮮，仲有刺身和其他和食，飲品種類都幾多選擇。黑門令蟹味噌甲羅燒 $288一絲絲的蟹肉，混入香滑蟹膏，再加入鵪鶉蛋、蟹子，拌勻後火燒，待煮沸便可。蟹膏甘香味濃，加點香蔥，配香脆餅乾一起食，好滋味。喜歡的話，可以加少許炸蒜蓉增添惹味。燒極上黑門活貝盛合帆立貝 $388是一盤活生生的貝類，真係好似去咗魚市場咁。鮑魚係度郁下郁下，非常肉厚，燒時加少許清酒，味道更提鮮。雖然肉厚，但燒完肉質鮮美彈牙，不會韌。帆立貝加入牛油一齊燒，香氣撲鼻，肉質鮮嫩。北海道馬刀背和燒蜆燒的時間掌握得剛剛好，嫩滑多汁。極上刺身盛 $680嘩！十分精緻的極上刺身盛。入面有海膽、金目鯛、拖羅、深海池魚、赤蝦、油甘、三文魚、赤貝、帶子和松葉蟹鉗。魚鮮的甜味，海水的鮮味，令人回味無窮。刺身質素高，新鮮很重要。磯燒烏賊 $78鮮味十足，肉質柔軟，外層香烤的剛剛好。如果加杯啤酒更完美。黑門角切海鮮沙律 $78沙律的份量大得過份，舖滿肥美的三文魚和蝦，十分豐富。