粥麵館 (Changed Hand) New Restaurant

今日Lunch Time去了鰂魚涌搵食，朋友介紹我食呢一間，開頭以為淨係有粥麵食，好彩入到去原來有煲仔蒸飯嘅。本來諗住食金針雲耳生魚片蒸飯，點知已經賣晒，真誇張，未夠1點已經賣晒，咁我唯有改叫蒸臘腸香菇雞飯啦，而我朋友就叫咗香菰滑雞飯。整體味道唔錯嘅，不過我真係無諗過我個臘腸蒸雞飯原來只係得幾粒臘腸而唔係有一條，佢嘅臘腸偏瘦而且有酒香，但係如果可以有一條我諗我應該會開心好多。兩煲飯嘅雞都幾滑，配飯嘅豉油唔會太甜。另外兩煲飯嘅香菇同香菰都新鮮好味。