龍味館

Open Now

Now Closed

龍味館宮庭酒爵暖胃湯 - 陳皮黃豆暖胃湯陳皮黃豆暖胃湯清香四溢，陳皮散發香氣，黃豆令暖胃湯更有質感，更醇厚，令人感受到一股暖流。湯底清爽而唔油膩，特別適合喺稍微寒冷嘅日子品嚐，令人倍感舒適。精緻嘅宮庭酒爵杯感覺份外高貴優雅。龍味點心拼盤龍蝦蝦餃龍蝦蝦餃以畫上金邊，薄薄嘅餃皮包裹著，入面鮮嫩嘅龍蝦肉，口感滑順。蟹籽鮮蝦燒賣蟹籽鮮蝦燒賣非常飽滿，蟹籽爆汁，鮮蝦多汁，啖啖肉。卡邦尼小甘筍卡邦尼小甘筍嘅獨特造型非常可愛吸引。外層甘筍味清甜，内裏卡邦尼醬濃郁，搭配特別，係一款有創意又好味嘅料理。炭燒蜜餞黑豚肉叉燒炭燒蜜餞黑豚肉叉燒係今餐嘅重頭戲。黑豚肉叉燒以香草微微煙燻過，叉燒外焦內嫩，蜜餞帶出甜味，豬肉肥美，令人無法抗拒。配搭絲苗白飯，令人感受到滿滿嘅幸福感。紛紅玉露 紛紅玉露係今晚嘅糖水，粉紅色十分可愛，加入清新嘅番石榴粒，配搭順滑冰涷嘅西米露，令人享受。