Video
Read full review
2022-01-27
779 views
一聲令下，六點後大家唯有乖乖地一係外賣，一係返屋企開餐，主攻晚市的食肆真係喊得一句句。退一步，6點前的下午茶或early dinner又再度成了主戰場。早近一年前，十里洋場已經多次出招攻佔下午茶時段，不單有新意，仲似乎越來越抵食。最新的「淮揚美點龍蝦手工麵下午茶套餐」，供應時間每日下午3時至6時，雖說$288/位，但有一送一優惠，連埋正價加一茶芥，人均都係$210有找，性價比相當高，又係時候同大家解構下。小食基本上沿用之前的下午茶概念，但主食部分作出了調整，例如碗麵就由雪菜肉絲麵幾何級躍升至龍蝦手工麵。淮揚小品凍凍地既女兒紅醉雞，皮爽肉嫩，酒香輕盈。水晶肴肉邊位晶瑩剔透，肉味鮮香。麻辣順風滷水豬耳切得極薄，咬落脆口，有少許麻辣，好惹味。三色醃蘿蔔口感酸爽，正好用來清清味蕾。四喜烤麩烤麩軟綿入味，四喜的花生、木耳、金菇及筍片份量啱啱好。黑松露珍珠燻溏心蛋溏心處理得相當好，煙燻味亦輕柔，加入黑松露珍珠令色彩不會單調，不錯。脆皮煙燻BB鴿（每位半隻）又係一定要保留既菜色，鴿皮燻得好香脆，肉質保持幼嫩食完就連手指都有陣煙燻味。龍蝦上海手工麵（龍蝦半隻、薺菜鮮肉雲吞兩粒）原隻新鮮龍蝦開邊，所以要
一聲令下，六點後大家唯有乖乖地一係外賣，一係返屋企開餐，主攻晚市的食肆真係喊得一句句。退一步，6點前的下午茶或early dinner又再度成了主戰場。
早近一年前，十里洋場已經多次出招攻佔下午茶時段，不單有新意，仲似乎越來越抵食。
最新的「淮揚美點龍蝦手工麵下午茶套餐」，供應時間每日下午3時至6時，雖說$288/位，但有一送一優惠，連埋正價加一茶芥，人均都係$210有找，性價比相當高，又係時候同大家解構下。小食基本上沿用之前的下午茶概念，但主食部分作出了調整，例如碗麵就由雪菜肉絲麵幾何級躍升至龍蝦手工麵。
淮揚小品
凍凍地既女兒紅醉雞，皮爽肉嫩，酒香輕盈。
水晶肴肉邊位晶瑩剔透，肉味鮮香。
麻辣順風滷水豬耳切得極薄，咬落脆口，有少許麻辣，好惹味。
三色醃蘿蔔口感酸爽，正好用來清清味蕾。
四喜烤麩烤麩軟綿入味，四喜的花生、木耳、金菇及筍片份量啱啱好。
黑松露珍珠燻溏心蛋溏心處理得相當好，煙燻味亦輕柔，加入黑松露珍珠令色彩不會單調，不錯。
脆皮煙燻BB鴿（每位半隻）又係一定要保留既菜色，鴿皮燻得好香脆，肉質保持幼嫩食完就連手指都有陣煙燻味。
龍蝦上海手工麵（龍蝦半隻、薺菜鮮肉雲吞兩粒）原隻新鮮龍蝦開邊，所以要兩位起，成件事好合理，用料好已經贏在起跑線上，蝦肉飽滿雪白，看得出的彈性，湯底是用蝦殼去熬煮，鮮甜到位喝光都不涸口，麵條感覺有點似稻庭烏冬的滑溜，但個人偏好較有嚼勁的麵身，但有一點必贏的，是意猶未盡的話，可以免費添加麵條，成件事即刻upgrade，大可當做 early dinner，反之，又可以「扣底」，只要龍蝦同湯，係咪好 user friendly 呢？
滋潤飲品
單是飲品已經有特色，有楊枝甘露、菊花蜜桃柚子蜜、紅棗圓肉杞子茶以及麥米薏米檸檬水四款。
近日有點口乾，就來杯薏米檸檬水清潤一下喉嚨吧！Post
