滿小館 (Closed)

食得壽司多，都想食下啲養生野，今日book左呢間私房菜，真係超高質。好，坐低睇下有咩好食先。松茸淮杞燉螺頭，首先整個養生湯生，螺頭個鮮甜味岀晒湯，仲有松茸，飲完直頭補中益氣。上湯加拿大龍蝦伊麵，龍蝦肉大大舊，加$30蚊就有伊面底，份量超多，隔離枱見到問我地叫邊款，仲話好吸引添！蒜蓉粉絲蒸元貝，元貝大隻新鮮爽口，粉絲好入味。火焰古法燒腩叉，玩火的叉燒，叉燒食落暖暖地，燶邊既蜜汁味超正，叉燒肥既地方都係爽脆的。蟹肉扒時蔬，又肉又有菜，個蟹肉蛋白煮得好靚，濃稠度掛滿條條菜。脆米柚子蜜蝦球，呢個特色菜，蝦球表面炸脆，裡面蝦肉彈牙，岀面個柚子蜜汁甜絲絲，下面仲有脆卜卜脆米。