天外天

年初五，帶屋企人飲個靚茶。環境唔錯，面對大海景，不過環境比較逼小小得一條走廊直行去位置，如果肥多小小可能會唔小心撞到人地張凳。今日叫左幾樣點心同一個炒粉。不過落單個位侍應可能係新人，寫錯左幾次單搞到上菜時都退左2次單。首先係我指住餐牌，要普通個隻蝦餃。不過黎左龍蝦餃。開頭真係唔知，見到賣相靚，仲幾好食。但睇番張單先知原來係落左「龍蝦餃」唔怪得知好食啦然後就係乾炒牛河轉肉絲，最後上左乾炒牛河無幫我轉肉絲。屋企有人唔食得牛，好彩發現得早如果唔係實比屋企人開年，即刻退番碟野最後一個上錯單既就係「西米布甸」呢樣我可能自己都有錯，無講清楚係「焗」既原來有個叫做「柚子西米芒果布甸」都係叫「西米布甸」，上菜個刻大家先發現擺咗個烏龍然後又要退多次單老實講退單都要再拎時間再整，全程來來回回咁真係幾浪費大家時間埋單千四蚊，野食會推薦「龍蝦餃」真係好味既～唔推薦既係「楊枝甘露」，以為飲緊淡奶。希望同事下次可能覆單時候都問多少少或者講清楚少少，始終都係一間行高級路線既酒樓保障自己都好重要。有d人衰起上嚟係可以食完唔認數架，然後同你係到嘈話自己唔係叫呢樣野做咩收個個價錢等等等等總結黎講：去一次嗜鮮就算啦～野食並