餃掂手工餃子雲吞專門店

行完中環Donki，就去附近呢間餃掂食餃子，店舖燈光光猛，大大個招牌，都幾易搵🔆龍鳳松露 雙灼餃 跟湯～呢度嘅招牌菜，見到隔離枱都有order，龍鳳即係黑白松露，多汁嘅豬肉餡料，配上松露，餃子即刻Level Up，一咬開已經香氣滿瀉，感覺矜貴又特別👍🏻壽喜燒牛肉煎餃～細份嘅有七隻，我哋叫咗大份十隻，壽喜燒醬汁味突出，牛肉嫩滑，餡料配上大葱，增加口感和清新感，很好嘅配搭。另外小食類，我地order咗四川涼麵和麻辣松花皮蛋，涼麵伴上麻醬同埋四川辣醬，口味特別而且唔會太辣，好有新鮮感。松花皮蛋中間有流心，醬汁香香辣辣帶點甜味。兩款小食類上枱嘅時候都凍冰冰，好開胃！🙌🏻