湘川滬 (粉嶺中心)

Open Now

Now Closed

我好多年無入粉嶺了，今晚搵朋友聚舊，今晚街上人不多，揀近了火車站附近的商場，行了一會，這家光潔企理，一於試下。糖醋魚塊 魚塊大件，炸得外層香脆，內裡肉質軟，甜度較重，配菠蘿粒和甜椒食，汁多，香甜好送飯。北京填鴨鴨上枱前會先處理好，片成大片，每口鴨都油脂四溢，皮脆肥美，每次配有16片薄餅，加上爽脆青瓜絲和香蔥絲，包住食好滋味。加$60 有兩食，七彩炒鴨絲，份量非常多，肉質淋，夠入味，伴芽菜食更清爽。加$1 流心奶皇高力每一啖都有流心饀，熱食惹味又滋味。環境乾淨企理，職員細心，食得好開心。