鮨石 (Closed)

今日放假特登同朋友去尖沙咀行街順便食好嘢,我哋兩個都鍾意食日本嘢,咁啱有朋友介紹尖沙咀有間 Omakase 性價比,高食物質素好好,趁住今日放假即刻去試下。鮨石 廚師發板日本菜,地址喺寶勒巷1號玫瑰大廈地下。入到去餐廳裝修得好有格調,旁邊有竹樹同羅漢松佈置,加上環境氣氛都畀到我好舒適嘅感覺。午市套餐有兩個選擇,我哋選擇咗岩餐,580元廚師非常細心,食材味道由清淡道到味道重,每一件食材都好細心處理,好欣賞廚師嘅態度。首先食個前菜,螺肉味道清甜肉質非常爽口,白粟米味道清香爽甜,加上北海道苦瓜,廚師親自醃製,食落去好爽口味道酸酸甜甜。平目魚壽司,平目魚即係左口魚食落去肉質特別爽口彈牙晶瑩剔透,魚肉嘅青甜味道好有層次。帆立貝加青檸汁, 少少嘅青檸汁令到帆立貝嘅鮮味更加突出。芝麻青魚加紫蘇花薑花,薑蓉,食到魚肉嘅鮮味同埋薑花嘅小小辣,味道非常立體。吞拿魚赤身,食落去魚肉味香濃,加咗芝麻紫蘇葉令到魚嘅香味更突出,銀雪魚bb加蛋黃醬,銀鱈魚肉非常嫩滑,入口魚肉味好香濃。北海道海膽,味道比一般海膽味道更香,入口即溶有回甘嘅香甜。呢間omakase係我食過最好食嘅一間,無論廚師嘅細心製作過程同埋環境,食