Patisserie Mon cher (Closed)

食過唔同牌子嘅蛋糕卷，都係最鍾意 Mon cher 堂島卷有時收工都會買一卷返屋企同家人分享～母親節蛋糕好靚呀！幾年前朋友買過佢嘅 Hello Kitty 蛋糕同我慶祝生日都係好粉紅～ 可愛又好食 😋今次就 take away 咗兩件堂島卷，去咗 IFC 探朋友班外賣嘅包裝好 handy 👍🏻每件堂島卷前後都有塊透明膠膜同埋蛋糕紙托我哋喺頂樓公園食都好方便～【原味堂島卷】搣開膠膜就見到澎湃嘅牛乳忌廉！平時啲蛋糕 cream 都好膩但係堂島卷嗰啲牛乳忌廉先係精髓😂佢係用北海道農場牛奶整，所以非常綿密香滑甜而不膩外圍嘅蛋糕卷都好香軟，上面仲灑咗適量嘅糖粉靚啲之餘又好味【宇治抹茶卷】幫朋友揀咗宇治抹茶味，連啲忌廉都係綠色由海綿蛋糕到中間嘅牛乳忌廉都係充滿濃郁甘香抹茶味香甜嘅紅豆令到個抹茶卷更加有層次抹茶控覺得好滿足 😌而家除咗甜品仲多咗啲三文治同飲品啲三文治睇落好吸引，下次再探班就試下先！