星宴中餐廳 (Closed)

差唔多一年冇嚟過，今日再去星宴食佢嘅下午茶點心放題，上年嚟食系$228，今日已經系$288，加幅小少，所以只得四枱客，亦都可能因為疫情關係。講返食物，灌湯餃、合桃酥、蝦餃、蒸排骨、鮑汁鳳爪、奶皇流沙包、燒賣和XO 醬帶子餃，保持一貫水準，扒時蔬嘅菜芯只係食菜遠部份所以脆口多汁得嚟又冇渣，質素吾錯，每位一件嘅鮑魚燒賣都有睇頭及算足料。叉燒酥和叉燒飽個餡就比較乾，珍珠雞就好似有d甩皮甩骨咁，芝士煙肉春卷又中又西有d吾系好夾。牛肉球d牛肉好深色好似吾太新鮮咁，而且d肉又有d散，口感不佳。整體來說，價錢加了不少但食物有點退步，幸好待應收碟頻密而且相當有禮。