籠太子點心專門店 (Closed)

今晚去左長沙灣做義工, 之後同朋友食埋飯~~我地黎到呢間籠太子，價錢超抵，要推介下！我地先叫左碗老火靚湯飲, 今晚係西洋菜煲豬骨湯, 湯入面有好多西洋菜, 而且完全飲唔到味精, 正!一人叫左一個飯, 有咸魚蒸肉餅, 鳳爪蒸排骨飯，飯較硬身，而咸魚、肉餅、鳳爪、排骨份量剛剛好，味道亦唔錯～另外,叫左皮蛋牛肉腸, 好彈牙~ 雞扎又飽肚! 仲叫左蝦餃同小籠包. 蝦餃勁彈牙爽口, 小籠包皮薄餡靚～～最後黎個菜心，清清地好健康～OVERALL 每人都唔洗$100, 真心好抵食, 食物質素又唔差, 有機會試下其他分店!!