陳根記

Open Now

Now Closed

喺馬鞍山區一到宵夜時間，就好多餐廳都已經閂晒門，所以就唯有同班老友去石門站附近間陳根記到食宵夜。平日星期一至四會有宵夜時段餐牌提供，食物款式選擇唔算少，而且價錢超值，咁我地5個人就叫左 十三香豬什($85)，香煎蠔餅($53)，馬拉盞炒通菜($53)，魚香茄子煲($53)，肉鬆蒸水蛋($53)，楊州炒飯($53)，乾炒牛河($53)，另外仲叫左D嘉士伯連汽水($22)。提外話，一般大排檔都好少會有咩服務可言，但今次餐廳職員服務夠殷勤，我地喺洗筷時，唔小心倒瀉左D茶喺枱面到，阿姐見到居然會主動抹乾張枱，值得一讚！雖然話就話係宵夜時段，但食物份量絕無欺場，而且上菜時都夠熱。香煎蠔餅夠香口，唔油膩馬拉盞炒通菜夠味，但唔會太鹹魚香茄子煮得夠淋，D醬好惹味十三香豬什望落麻辣，實際似分開煮，豬什唔入味肉鬆蒸水蛋D蛋唔會太水或太硬，夠滑楊州炒飯炒得夠乾身，乾炒牛河配埋辣椒醬上，2碟份量大，落足料一班朋友嗌小菜食，配埋啤酒，簡直一流！