Video
Read full review
2021-05-15
184 views
今日約左三五知己，去食三/四人餐，呢個餐計落有七種菜式，前菜三款，主菜兩款，甜品都有兩款，好豐富，連加一大概1000 蚊。全部菜式都好特别。辣味蟹肉撻$85除咗擺盤靚，脆卜卜，入面啖啖蟹肉，有少少辣吊起蟹肉既鮮味。黑白芝麻吞拿魚伴青檸雪葩$98幾特別，外皮芝麻香脆，內裡係新鮮吞拿魚生魚片，吞拿魚鮮味加上一旁既雪葩冰冷既剌激，口感新鮮，朋友連連話好食。龍舌蘭青檸野雞搥$98呢個雞搥特別之處係 火炎龍舌蘭，炎炎既龍舌蘭香味燒一🔥D雞槌之後野味好多，加上青檸吊返清新既味道，撞擊之下形成強烈既香味。山水畫$208呢個一定係一幅畫，山同水我未解構到，不過陸地就係用菠菜攪碎成菜蓉醬，上面係芒果紫糯米飯，同埋雞搥、雞肉菠菜卷。糯米飯都煮得軟食唔塞胃，其實重要係D菠菜醬一定要一齊食。慢煮6小時牛肋肉龍蝦闊蛋湯麵$198闊條麵加上牛肋肉，湯底濃郁，上面有幾朵花襯返，好香。焙茶朱古力沖繩黑糖窩夫配雪糕$138原來呢個係重頭戲，我哋見到即刻哇一聲：好大嚿「雲」花糖，淺藍色好有少女感，用嚟呃like 就啱晒。下面既窩夫整得唔亁軟身有咬感，配上朱古力同黑糖忌廉甜度適中，入面仲有一嚿嚿蛋糕，增加不同既口感。脆蛋白
辣味蟹肉撻$85
除咗擺盤靚，脆卜卜，入面啖啖蟹肉，有少少辣吊起蟹肉既鮮味。
黑白芝麻吞拿魚伴青檸雪葩$98
幾特別，外皮芝麻香脆，內裡係新鮮吞拿魚生魚片，吞拿魚鮮味加上一旁既雪葩冰冷既剌激，口感新鮮，朋友連連話好食。
龍舌蘭青檸野雞搥$98
呢個雞搥特別之處係 火炎龍舌蘭，炎炎既龍舌蘭香味燒一🔥D雞槌之後野味好多，加上青檸吊返清新既味道，撞擊之下形成強烈既香味。
山水畫$208
呢個一定係一幅畫，山同水我未解構到，不過陸地就係用菠菜攪碎成菜蓉醬，上面係芒果紫糯米飯，同埋雞搥、雞肉菠菜卷。糯米飯都煮得軟食唔塞胃，其實重要係D菠菜醬一定要一齊食。
慢煮6小時牛肋肉龍蝦闊蛋湯麵$198
闊條麵加上牛肋肉，湯底濃郁，上面有幾朵花襯返，好香。
焙茶朱古力沖繩黑糖窩夫配雪糕$138
原來呢個係重頭戲，我哋見到即刻哇一聲：好大嚿「雲」花糖，淺藍色好有少女感，用嚟呃like 就啱晒。
下面既窩夫整得唔亁軟身有咬感，配上朱古力同黑糖忌廉甜度適中，入面仲有一嚿嚿蛋糕，增加不同既口感。
脆蛋白綠茶慕斯卷蛋$88
好香綠茶味，呢個卷蛋整得鬆軟，蛋同埋麵粉比例適中。加上cream 既甜度啱啱好。
Post
