青花 (THE FOREST)

朋友仔襯我生日帶左我去旺角宜間食泰菜，宜兩其實bookmark左好耐，一直都未試，今次終於俾我地試到，叫左個泰式豬頸肉沙律，泰脆炸豬手，馬薩拉奶油咖喱雞，油酥手抓薄餅，篤篤炒卜卜蜆認真嘢食方面呢，宜個炸豬手係真係相當出色，好脆，又唔會痴牙，食極都唔會好膩，唔點汁都夠味，個沙律都出色，個沙律汁好惹味，食完好開胃，個卜卜蜆冇咩沙，好新鮮，勁多金不換，好食，相比下個咖喱真係比較唔吸引，好普通，又唔香野飲方面朋友叫左個好安全嘅椰青啦,好靚嘅蝶豆花椰子奶蓋,蝶豆花青檸茶,而一向古靈精怪嘅我就向難度挑戰,叫左個香辣菠蘿梳打,一飲落口喉嚨係有少少興,但除左興之外,佢都只不過係一杯好普通的菠蘿梳打PS:今日係生日飯,都知有坐時限,唔緊要,我地食野都唔會好耐,而我朋友係我到前已通知舖係甜品上寫happybirthday,可能店員心急上甜品,催係冇問題,催要上甜品,你可以直接上,唔洗收哂我d未食完嘅野,你收完又唔係即刻上甜品,仲要等左陣,咁點解唔俾我地食埋呢,好彩之後有個老小小嘅叔叔店員黎同我打完場,宜個叔叔店員係抵讚,但除左你之外,其他我搵唔到讚位