朝

Open Now

Now Closed

前排行過太子見到有間居酒屋做緊3週年優惠，21：00前埋單離座，全單8折。如果21：00後入座仲要全單6折，真係好抵🤑 月見墨魚棒：爽口彈牙，加埋蛋醬，美味可口。 和牛湯烏冬：烏冬爽滑煙韌彈牙，和牛非常鮮嫩。 三點刺身盛：劍魚腩、三文魚、甜蝦。 劍魚腩肉質柔軟脂肪多，鮮甜而不油膩肉質具彈性。三文魚肥美軟滑，味道鮮甜，魚油豐富，食落去口感超正。甜蝦鮮甜，富有彈性，非常新鮮。 雞皮：雞皮有彈性而且好脆口，送啤酒一流🍻 牛舌：牛舌厚切有質感，口感軟嫩，牛味濃郁。 甲羅燒🦀：有好多蟹籽、蟹膏、蟹肉、蔥花、鵪鶉蛋漿，師傅已經預先幫我哋燒好，加埋鵪鶉蛋漿混合埋一齊食就得，之後將啲蟹膏搽上烘香咗嘅鱈魚乾上，非常美味！ 黑豚肉包糖心蛋：外層豬肉片炸香，入面包住溏心蛋，蛋液留出，非常滋味。 抹茶蕨餅：口感滑膩而富有彈性，上面鋪上一層薄薄嘅抹茶粉。 另外揀咗2杯日本果酒，分別係桃味青森蘋果味，陣陣果香，容易入口。