阿荔車仔麵

Open Now

Now Closed

去完荃灣廣場睇完戲，就搵下附近有咩食，見到有間餐廳出面有張吧台，就行左入去。餐廳都幾光猛寬敞，點知坐低左先知係食車仔麵。餐廳用qr code落單超級方便，下單冇耐就已經黎左我面前。 ⦁招牌南乳燜豬手撈麵 $48餐廳既豬手燜得好淋好入味，仲要有好多豬手，超級滿足。 ⦁重慶麻辣秘制牛筋腩撈麵 $56麵底揀左一丁，辣度小辣，配埋自製火辣菜脯，超級惹味。菜脯同辣椒籽有點多，如果怕辣，建議唔好撈晒，否則味道會太濃太辣。牛筋腩燜得好入味，亦都夠淋，牛筋夠晒彈牙，應該湯麵會仲正。 ⦁冷泡茶(白桃烏龍/四季春)天氣咁熱梗係揀冷泡茶啦！個人力推桃味同烏龍茶味，解辣之餘仲有淡淡的桃味，有種refresh的感覺。 食完同店主吹下水，原來餐廳已經40年歷史，由荔枝角搬到過黎荃灣，仲有「阿荔」尼個名系代表荔枝角既意思。雖然依家係第二代接手，仍然保留豬手同牛筋腩的傳統味道。