Video
Read full review
2023-02-25
1183 views
而家唔係興巨大化就係迷你版😆早前呢間出名賣超巨型菠蘿包、開心果布甸包，今日經過見到佢有迷你撻賣，二話不說買返幾個先▶️ 迷你紫薯撻 ($7)呢個令我諗起沖繩啲紫薯撻💜雖然撻係迷你，但係紫薯蓉成座塔咁高，用間尺度過有4cm咁高㗎！上面仲有一粒mochi仔，同埋灑左少許紫薯粉，好打卡-able味道有驚喜😍超級好食！幾香紫薯味，感覺冇乜加糖所以味道天然，係三個撻入邊最唔甜嗰個🍠紫薯蓉好滑身，唔知點解外面「硬」少少咁，形成一層皮嘅口感，幾得意Mochi已經係成個撻最甜嘅嘢，咬落少煙韌，同紫薯撻幾襯撻皮做得好好，相對薄身👍🏻香牛油味而唔油膩，咬落仲好似曲奇餅咁脆口▶️ 迷你雜果撻 ($7)除咗雜果之外，仲有淨士多啤梨／芒果味，悉隨尊便我呢個就有芒果🥭士多啤梨🍓奇異果🥝鍾意佢用吉士餡，而唔係朱古力或者忌廉吉士餡好挺身，好香雞蛋味🐣偏甜但可以接受本身啲生果都好甜，估唔到奇異果唔酸，生果多汁但唔會整軟個撻皮▶️ 迷你栗子撻 ($7)同紫薯撻差唔多，只不過係上面灑咗糖霜同樣好香栗子味，比起紫薯蓉「沙」少少糖霜只係裝飾用途，成個撻食落唔太甜栗子控嘅你一定要試吓🌰-如果大家唔鍾意食迷你可以買返正常size ($2
早前呢間出名賣超巨型菠蘿包、開心果布甸包，今日經過見到佢有迷你撻賣，二話不說買返幾個先
▶️ 迷你紫薯撻 ($7)
呢個令我諗起沖繩啲紫薯撻💜
雖然撻係迷你，但係紫薯蓉成座塔咁高，用間尺度過有4cm咁高㗎！
上面仲有一粒mochi仔，同埋灑左少許紫薯粉，好打卡-able
迷你紫薯撻
$7
77 views
0 likes
0 comments
味道有驚喜😍超級好食！
幾香紫薯味，感覺冇乜加糖所以味道天然，係三個撻入邊最唔甜嗰個
🍠紫薯蓉好滑身，唔知點解外面「硬」少少咁，形成一層皮嘅口感，幾得意
Mochi已經係成個撻最甜嘅嘢，咬落少煙韌，同紫薯撻幾襯
撻皮做得好好，相對薄身👍🏻香牛油味而唔油膩，咬落仲好似曲奇餅咁脆口
▶️ 迷你雜果撻 ($7)
除咗雜果之外，仲有淨士多啤梨／芒果味，悉隨尊便
我呢個就有芒果🥭士多啤梨🍓奇異果🥝
迷你雜果撻
$7
70 views
0 likes
0 comments
鍾意佢用吉士餡，而唔係朱古力或者忌廉
吉士餡好挺身，好香雞蛋味🐣偏甜但可以接受
本身啲生果都好甜，估唔到奇異果唔酸，生果多汁但唔會整軟個撻皮
▶️ 迷你栗子撻 ($7)
同紫薯撻差唔多，只不過係上面灑咗糖霜
同樣好香栗子味，比起紫薯蓉「沙」少少
糖霜只係裝飾用途，成個撻食落唔太甜
栗子控嘅你一定要試吓🌰
迷你栗子撻
$7
54 views
0 likes
0 comments
-
如果大家唔鍾意食迷你可以買返正常size ($20/個)😂但係迷你嘅好處係一次可以試好多味，又冇咁滯 (尤其原先栗子撻或紫薯撻呢啲咁有質感)
迷你款另外仲有一個朱古力松露味🍫(朱古力愛好者可以試一試，估計似mousse/ tiramisu)
❣️個人超推介紫薯撻❣️
服務幾好，姐姐pack得好，用膠盒裝住，拎到返屋企都冇散／返
雖然$7一個撻少許貴，但為求得意同滿足下我嘅甜品癮都係值得嘅(加上好食)
佢賣嘅麵包價錢就相對平民，仲要size普遍大🍞口味都特別！
Post
