申子居酒屋

Open Now

Now Closed

銅鑼灣假日lunch 想食日本🇯🇵野？去呢間日式高質居酒屋🏮就啱晒❤️最近佢地6週年慶所有午市套餐6折，星期一至日，日日6️⃣折，食材新鮮，份量十足👍🏻午市套餐一共有9款選擇，有刺身壽司定食、串燒、丼飯、壽喜燒、網燒、牛扒西冷、手打漢堡，選擇十分多😆 午市定食白飯🍚仲可以無限添加‼️🐮牛肉壽喜燒定食 （原價$238 6折$143）鐵鍋上枱熱辣辣，牛肉份量幾多，煮得嫩滑，口感多汁，壽喜燒嘅甜味滲透到每一口牛肉中，成碗白飯清晒😂 配料仲有好多菇和菜，可中和油膩感🥰🐟申子三式丼 （原價$298 6折$179）三式有海膽、拖羅蓉和三文魚子，海膽入口鮮甜，拖羅魚蓉份量十足，油脂豐富！將海膽撈埋三文魚子同碎蔥呑拿魚一齊食，幸福滿瀉❣️🐮極上鹽燒牛舌芯 $88來到申子必食佢地既招牌菜～極上鹽燒牛舌芯牛舌芯好厚切，口感非常好。中間仲有啲粉嫩色，熟成度亦都啱啱好。牛舌芯燒得好香，一口咬落去油香四溢！配上檸檬、鹽、柚子醬，牛香更突出！