Video
Read full review
2 day(s) ago
0 views
📍Airside大推嘅高級韓燒，入面環境舒服，同家人聚餐、朋友生日聚會或dating都好適合！估唔到都仲有邊爐泡菜蛋同芝士粟米食。食堂牛肉拼盤($458)入面包咗和牛牛五花、安格斯牛外裙肉、牛小排、薄牛舌同韓牛前胸肉，上枱已經覺得好靚排到盛盤咁～大推牛小排最軟嫩又有啲厚度，如果單點要揀一款一定揀佢！韓式豬肋骨($168)甜甜醬油味醃過都幾好味但份量比較少，大八爪魚($98)就用咗甜辣醬，原隻上嚟講價錢都幾驚喜。泡菜煎餅($118)口感比較軟糯，鍾意脆口我哋擺返落個爐度燒一陣好食好多！大醬湯($98)本身就以為係得豆腐同菜，點知成個底都係牛腩肉，𢳂極都仲有好足料！焦糖布丁($45)真係好滑好creamy，甜度啱啱好食落唔會好膩。巴斯克芝士蛋糕($55)媽咪食就話酸酸地同好幼滑，仲附送一球雲呢拿雪糕添。
📍Airside大推嘅高級韓燒，入面環境舒服，同家人聚餐、朋友生日聚會或dating都好適合！
估唔到都仲有邊爐泡菜蛋同芝士粟米食。
食堂牛肉拼盤($458)入面包咗和牛牛五花、安格斯牛外裙肉、牛小排、薄牛舌同韓牛前胸肉，上枱已經覺得好靚排到盛盤咁～
大推牛小排最軟嫩又有啲厚度，如果單點要揀一款一定揀佢！
韓式豬肋骨($168)甜甜醬油味醃過都幾好味但份量比較少，大八爪魚($98)就用咗甜辣醬，原隻上嚟講價錢都幾驚喜。
泡菜煎餅($118)口感比較軟糯，鍾意脆口我哋擺返落個爐度燒一陣好食好多！
大醬湯($98)本身就以為係得豆腐同菜，點知成個底都係牛腩肉，𢳂極都仲有好足料！
焦糖布丁($45)真係好滑好creamy，甜度啱啱好食落唔會好膩。
巴斯克芝士蛋糕($55)媽咪食就話酸酸地同好幼滑，仲附送一球雲呢拿雪糕添。
Post
